Chapter 3

　　“Pinirmahan ko na ang lahat ng annulment papers na pinadala mo sa akin, at please lang, pumunta ka sa Civil Affairs Bureau bukas ng umaga para kunin ang annulment certificate.”

         Matapos niyang sabihin ‘yon ay pinasadahan niya ng kamay ang kanyang buhok at saka tinalikuran si Marco. Taas-noo siyang lumabas ng conference room. Umirap pa siya nang marinig ang lagabog sa loob niyon, tila ba nagbasag ng tasa ng kape si Marco, at pagkatapos ay in-announce na ni Xian na tapos na ang meeting…

　　“Buti nga sa ‘yo,” bulong ni Anna na lihim na napangiti.

         Alam niyang marahil ay nanggagalaiti na sa galit si Marco, ngunit wala na siyang pakialam pa.

         Magmula ngayon ay wala na siyang kaugnayan ni katiting sa lalaking ‘yon!

         Matapos lisanin ang Riego Corporation, bumalik si Anna sa hotel. Umalis na siya sa bahay na pagmamay-ari ni Marco, bitbit ang dalawang maliit na suitcase na naglalaman ng kanyang mga damit. 

         Sa hotel room…

         Narinig ni Anna ang pagtunog ng kanyang phone. Nakita niya ang pangalan ni Xian sa screen. Noong una ay nagdadalawang-isip pa si Anna, ngunit sa huli ay sinagot niya ang tawag ng personal assistant ni Marco.

         “Madam,” kalmadong tawag sa kanya ni Xian. Noon pa man, isa ito sa mga taong nakakaalam ng totoong relasyon nila ni Marco.

         “Xian, sinagot ko lang ang tawag mo para sabihin na iniwan ko ang susi ng bahay kay Manang Ising.”

         “Madam, seryoso na po ba talaga kayo sa desisyon niyo?” nag-aatubiling tanong ni Xian.

         “Bakit? Sa tingin mo ba ay nahihibang na ako?”

         “Pero hindi ba’t mahal niyo po si Mr. Riego?”

         Gustuhin niya mang sigawan si Xian sa sinabi nito ay hindi niya magawa. Kahit pa nagtatrabaho ito kay Marco ay tinrato siya nito nang maayos sa loob ng tatlong taon.

         Napabuntonghininga si Anna. Ramdam pa rin niya ang sakit sa kanyang puso kapag inaalala ang pagmamahal na mayroon siya para kay Marco. Sa isip niya, ito ba ang kapalit ng lahat ng ginawa niya noon?

　　O baka naman ito na ang paraan ng Diyos para turuan siya ng leksyon—na ang one-sided love ay walang patutunguhan.

         “Kinalimutan ko nang minahal ko siya, Xian.” Napatingin si Anna sa kanyang palasingsingan. Naroon pa rin ang marka ng kaniyang wedding ring na noon ay hindi niya nagawang hubarin. “Nilagay ko ang wedding ring sa drawer na katabi ng kama. Hindi rin ako nagdala ng mga gamit na binili sa akin ni Marco noon.” Kinagat niya ang kanyang ibabang labi. “Kung sakali man na hindi makakapunta si Marco sa Civil Affairs Bureau bukas, ikaw na lang ang kumuha ng annulment certificate para sa kanya.”

         Matapos nang pakikipag-usap kay Xian ay binaba na niya ang tawag.

Ilang beses pang tumawag si Xian nang araw na ‘yon, pero na ito sinagot ni Anna. Hanggang sa marinig na lamang ni Xian ang automated message na nagsasabing pinatay na nito ang phone.

“Mr. Riego, hindi ko na po ma-contact si Madam,” pagre-report ni Xian kay Marco.

Sa harap ng engrandeng office desk ay nakatayo si Marco habang minamasahe ang kanyang sintindo. Pabalik-balik ang tingin nito sa pirmadong annulment papers na nasa kanyang mesa.

         Walo iyon. Lahat ay may pirma ni Anna.

         “She didn’t ask for money?” tanong niya kay Xian.

         Umiling ang kanyang assistant. “Hindi po, Mr. Riego.”

         “That’s ridiculous!” sigaw niya.

         He remembered that he asked Xian to prepare those goddamn documents. Ngunit hindi niya maintindihan kung bakit pumirma si Anna nang ganun-ganon na lang at hindi humingi ng kahit singko sa kanya.

         Imbis na manghingi ng pera ay umalis ito sa kanilang bahay. Wala ni isang alahas na dala maliban sa kanyang mga damit.

         Tanga ba ito? Pumirma ng annulment papers kahit na walang kapalit? Hindi ba’t pera ang rason nito kung bakit gusto nitong magpakasal sa kanya?

　　“What are you up to, Anna?” Kinuyom ni Marco ang kamay at nanggigil na pinagmasdan ang annulment papers. “You didn’t ask for money. Hanggang kailan ka magpapanggap?”

***

Kinabukasan…

Eksaktong alas otso nang umaga nang makarating si Anna sa gate ng Civil Affairs Bureau, naghihintay sa pagdating ni Marco.

Gumamit ng ibang kotse si Marco at huminto malapit sa lugar nang mga bandang 8:10 AM.

Mula sa car window, pinagmasdan ni Marco si Anna.

Napatali ang kulay orange-pink nitong buhok; ang dulo niyon ay bahagyang nakakulot. May makeup din ito sa mukha, dahilan upang mas lalo pang lumutang ang natural nitong ganda.

Suot ang isang fitted silky dress, tila ba nagliliwanag ang kanyang maputing balat. Kahit sinong lalaki ay mapapatitig sa kanya dahil din sa magandang hubog ng kanyang pangangatawan.

Sinong ma-aakala na ang magandang babaeng katulad niya ay kukuha ng annulment certificate ngayong araw?

         “Damn, Anna. I want know what’s on your mind,” bulong ni Marco.

         Panay naman ang tingin ni Anna sa kanyang wrist watch. Tumagal na ng isang oras ang paghihintay niya ngunit hindi pa rin dumadating si Marco.

         Nagpupuyos na ang damdamin niya dahil mukhang sinasadya ito ng dating asawa. May ilang mga lalaki na rin ang lumapit sa kanya at nagtatanong kung ano’ng pangalan niya o kung libre ba siya, pero wala sa mood niya lamang tinarayan ang mga iyon.

         Samantala, tuloy pa rin sa pagmamatiyag si Marco mula sa loob ng kaniyang kotse. Kita niya kung paano lapitan ng mga lalaki si Anna. Hindi niya mapigilan ang paniningkit ng mga mata at pagtatagis ng kanyang bagang.    

         His lips formed a thin line.