CHAPTER 37

RAMDAM NI NATALIA ang kakaibang interes ng mga kalalakihang naroroon sa charity event na dinaluhan nila ni Matt.

May mga matatandang lalaki pa nga ang waring hindi nakakatiis, nilalalapitan siya kapag panandaliang humihiwalay sa kanya si Matt.

“If you will excuse us, Mr. Tan. Hindi ko dinala dito ang asawa ko para makipag-usap sa kung sinu-sinong mga lalaki. Gusto kong ipaalala sa inyo na seloso akong tao at ayokong may mga lalaking nakakusap ang asawa ko, alam nyo naman kung paano ako magalit, hindi ba?” Pahiwatig ni Matt sa matandang lalaki na biglang lumapit sa kanya nang pansamantalang magbanyo si Matt.

“A-Asawa mo siya?” Tila nabiglang sabi ng matanda, “I’m sorry, hindi ko alam na nag-asawa ka na pala, at napakaganda ng asawa mo,” anang lalaki na muli siyang pinasadahan ng tingin, “Napakaswerte mong makakuha ng kasing ganda niya.”

Tumikhim si Matt bilang pahiwatig dito na hindi nito nagugutuhan ang pananalita ng matanda. Naintind