Kabanata 46.2

Galit siya dahil sa ginawa ko sa kompanya, ang paghihiganti ko na dapat kay Blaze ay maraming nadamay, maraming naapektuhan. Hindi na ako nakapag-isip ng maayos noon dahil ang tanging gusto ko lang ay makapaghiganti kay Blaze at kunin lahat ng mga pangarap at gusto niya. Akala ko magiging kontento na ako pero hindi pala. Ano bang naging magandang dulot ng paghihiganti ko sa kaniya?

Nagtungo na ako kung nasaan si Blaze. Nakaupo siya gilid ng pool habang nababasa naman ang mga binti niya. Pansin ko rin ang dalawang bote ng beer sa tabi niya. Hindi niya pansin ang paglapit ko, nananatiling nasa malayo ang tingin niya.

Napalingon na lang siya sa akin nang maramdaman niya ang pag-upo ko pero iniwas niya rin ang paningin niya.

“Anong ginagawa mo rito? Hindi ba dapat ay nasa loob ka. Kailangan ka nila dun ngayon.” saad ko pero kinuha niya ang bote ng beer at tinungga iyun. “Hindi makakabuti sayo ang pag-inom mo—“

“Ano bang pakialam mo? Hindi ka na sana nagpunta dito. Umalis ka na.” malami