Chapter One : His Brother

"Farrah, pera," agad inilahad ni Nanay ang palad nito sa akin kaya tinignan ko ito at hindi mapigilang mapabugtong hininga. 

Nakataas pa ang kilay nitong nakatingin sa akin na mukhang naniningil ng utang. Para tuloy ako ang anak niya at siya iyong walang galang na anak na bastos lang at nanghihingi ng pera. 

Galing pa ako sa kilalang fast food restaurant bilang isang crew. Ngayon lang ako nakauwi dahil alas singko ng hapon hanggang alas dyes ng gabi ang working hours ko. Hindi naman pwedeng hindi gabi ako magta-trabaho dahil may klase pa ako.

Kumuha ako ng dalawang daan sa pitaka ko tapos 'yung ibang perang naiwan ko ay pambayad ng tuition ni Lyza. 

Pag-lahad ko pa lang sa pera kay Nanay ay agad namang kumunot ang noo nito. Kinuha niya ang pera at tinignan ako ng masama.

"Dalawang libo?! Bibigyan mo ako nang dalawang libo?!" Singal nito sa 'kin. Sinampal niya pa ako gamit ang dalawang libo na nasa kanya, kaya napapikit na lang ako. Mariin ko namang itong tinignan at nagsalita.

"Nay, pambayad ito sa tuition–"

"Di, maghanap ka ng ibang paraan!” putol nito sa akin. Kita ko ang galit at pananaliksik ng mga mata nito. “Binuhay kita, pinakain kita noon, tapos 'di mo ako susuklian?!" Sigaw nito. 

Binuhay niya nga ako at pinakain hanggang sa sampung taong gulang na 'ko ay ako nang bumuhay sa sarili ko at sa kapatid ko. Ako na rin ang nagpapaaral sa kanya.

Natutong magsugal si Nanay nung lumaki na ang utang ni Tatay. Nung unang beses nito sa pag-sugal niya ay nanalo ito, kaya sunod-sunod na itong pumunta sa sugalan hanggang sa sunod-sunod na rin ang pagkatalo nito.

"Oh," dinagdagan ko ito nang tatlong libo mukhang kuntento naman ito.

"Yan naman pala 'eh, dami pang sinasabi," tsaka na ito tumalikod papunta sa sugalan.

Napahilot na lang ako sa noo ko at umupo. May test pa kami bukas sa research. Hindi pa ako nakapag-aral. Siguradong hindi ko naman makukuha ang passing score nito. Sa lahat ng subject and research lang problemado ko. Dumagdag pa ang mga bayarin. Sa kuryente dito, tubig, mga pagkain pang araw-araw at tuition ni Lyza.

Saan ako maghahanap ng pera pang tuition sa kapatid ko? Okay sana kung hindi ako nag-aaral para isang araw sunod-sunod ang trabaho ko kaso hindi naman pwede 'yon. Kahit hirap na hirap na ako sa buhay gusto kong makapagtapos man lang nang senior high. Apat na buwan na lang ay makapagtapos na ako. 

Napatingin na lang ako sa likod ko ng narinig ko ang boses ng kapatid ko.

"Ate!" Sigaw ni Lyza galing ito sa kwarto niya, mukhang nag-aaral ito, may dala-dala kasi itong libro at notebook.

Ngumiti ako sa kanya at niyakap. Isa lang ang dahilan kung bakit ako nagsumikap sa buhay dahil lang sa kapatid ko. Lahat nang pagod ko sa trabaho ay mawawala pag-makita ko lang sya.

"Kumain kana?" Tanong ko at hinihimas ang buhok nito.

"Oo ate, turuan mo ako sa math ate, nabubuang na ako dito 'eh," nakasimangot ito kaya hindi ko mapigilang tawanan ito.

"Sge." 

Sabay kaming pumasok sa kwarto niya at tinulungan sa assignment niya. 

Namomoblema pa rin ako sa pang tuition niya. Malapit na kasi recognition nila at kapag hindi ko na kumpleto ang labing-walong libong pang-tuition niya ay hindi ito makaka-graduate. Iyon ang hindi ko hayaang mangyari.

Isa lang kasi ang public school sa lugar namin. Hindi ko sya 'don pinasok kasi maraming mga basagolerong bata at maraming batang nagpakamatay dahil sa bully 'don. Hindi suntukan lang ang mga bully don kundi patayan. Hindi ko nga alam kung bakit binuksan pa ang paaralan na iyon ‘eh andaming namatay na estudyante. Ang ipinagtataka lang ng lahat ay wala ni isang magulang ang nag-reklamo. Marami 'din kasing adik ang naninirahan malapit sa school kaya takot ako kung doon ko sya pag-aaralin.

Sa private school kasi dito sa lugar namin ay napaka higpit nang security kaya malaki ang tuition. Bahala ng malaki ang tuition basta ligtas. Hindi rin sya gaano ka layo. Malapit rin sa school namin at makapag-aral nang mabuti ang kapatid ko.

"May assignment ka sa Science?" bungad sa 'kin ni Orly habang umupo ako sa upuan ko. 

Nakakunot naman kaagad ang noo ko dahil sa tanong niya. Ang english kaya ang may assignment at ngayon na 'yon ipapasa. 

"Anong science baka English," pagtatama ko sa kanya. Mapakla naman ko siyang tinawanan dahil sa reaksyon niya sa sinabi ko.

"Gaga! may assignment din sa English?!" Nanlaki ang mata nito.Binalingan niya naman kaagad nang tingin si Janine na nanahimik lang sa tabi. "Hoy Janine! Pa-kopya ako walang assignment si Farrah sa English, for the first time." Pang-aasar niya. 

Nakita ko si Janine na napabuntong hininga. Sanay naman siyang laging nangongopya ng assignment si Orly. Hindi ko alam kung bakit ayaw niyang gumawa ng assignments. 

Gumagawa naman siya pag kasama kami, kung hindi edi wala. Agad akong kumuha ng papel sa bag at tumingin sa kanila.

"Teka, wala akong Science, pakopya ako." Aniko. Sininsyasan naman ako ni Orly na tumabi sa kanya. 

Nangopya ako sa science. Si Orly naman ay sa science na galing kay Janine at english na galing sa 'kin. Mas nauna pang natapos si Orly dahil ang bilis niya kasing magsulat. Halatang sanay na sanay na talaga pagdating sa kopyahan. Nakita ko pang ang pangit ng pagkakasulat niya. Siya kasi iyong tipong estudyanteng ‘mas mabuting meron kaysa sa wala.’

Sumapit na ang pananghalian ay nagsilabasan na kaming lahat. Pumunta na kami sa gilid ng school namin na may maliit karinderya. Dito kasi tambayan namin tuwing lunch. Wala naman kasing pwede pag tambayan dito kundi dito lang. 

Napaigtad ako ng biglang sumigaw si Orly. 

"Janine, Farrah, may papabol doon!" Sigaw ni Orly dahilan napapikit kaming dalawa.

Sanay na kaming ni Janine sa pagkamakulit ni Orly. Syempre pa-salamat kami na meron kaming kaibigang nagpapasaya saming dalawa kahit may malaking problemang hinaharap ngayon.

"Anong papabol don?" Takang tanong ni Janine kaya ako tumango, sumang-ayon sa tanong ni Janine.

"Tanga gwapo." Anito.

Mahilig kasi sa sya mga gwapong lalaki, jusko. Tuwing nakakita siya ng lalaking magagandang pagmumukha sasabihan niya kaagad kaming 'crush ko 'yon, walang aagaw ha'. Kaya dito sa school maraming babaeng galit sa kanya dahil napakalandi niya daw, syempre hindi kami naniniwala sa sinabi nila kasi kami ang kaibigan nito. Maghuhunting lang ito nang mga gwapong lalaki para ipasikat saming dalawa ni Janine.

"Pero matanda na."

"Ah nyeta naman nyan Orly, sumosobra kana ah," reklamo ni Janine kaya sumang-ayon ako. Okay sana kung kasing edad namin pero matanda? Sixty years old pataas? 

"Sabihin mo na lang na gusto mong magkaroon ng Sugar Daddy," singit ko tsaka tinignan ko sya.

"Pwede naman." kabit-balikan na sabi nito.

Napayuko na lang si Janine sa sinabi niya. Alam ko naman kapag mag-aaway si Orly at ang Daddy niya ay hindi sya binigyan ng allowance. Maghahanap sya nang matanda para tustusan ang kagustuhan niya? Napailing-iling na lang ako sa isipan ko.

Pero kahit ganyan siya magsalita alam ko namang nagbibiro lang ito o ‘di kaya gusto niya talagang mang-uto sa 'min.

"Tara puntahan natin!" Hatak hatak niya ang kamay namin papunta doon sa sinabi niyang papabol. Mukhang wala namang magawa si Janine dahil nahatak na kami.

Pumasok kami sa gym at nakita kung maraming mga studyanteng nagtitipon. Merong ring mga senior high na nagsisi takbuhan papunta sa gym. Napansin ko ang mga matamis na ngiti sa mga mukha nila at narinig ko pang may nagtitilian.

"Anong meron bakit andaming senior high dito sa gym natin?" Tanong ko kay Orly.

Bali malaki kasi ang school namin dito. Mag-lalakad ka pa nang ten minutes para makarating sa building ng senior high. May sarili kasing gym ang high school at senior high. Kaya nakapagtataka kung bakit napunta ang seniors sa high school.

"Tangers, hindi mo alam?" Anito kaya umiling ako.

Mukhang wala ring alam si Janine sa nangyari. Nakita ko pang inikutan kami nang mata ni Orly dahil wala kaming alam.

"Ganito kasi 'yun. Ang mga first year kasi ay binigyan ng school supplies tapos nandon si Mr. Agus, kilala nyo naman ang nagmamay-ari ng school diba?" may halong sarkastikong sabi nito. 

Syempre alam ko kung sino ang nagmamay-ari sa school na ito, kaso pangalan lang ang alam ko hindi pagmumukha. 

"Oh, tapos?" Walang pakialam na sagot ni Janine.

"So ayon na nga, nagbibigay sila tapos sinama ni Mr. Agus ang anak niya!" Pumalakpak pa ito. 

"Yung papabol na sinasabi mo?" Tanong ko.

Para naman itong tangang tumango. "Oo!"

"Ilang taong na?" Aniko. Tinaasan niya naman ako ng kilay. 

"24." Narinig ko namang napasinghap si Janine sa sagot ni Orly.

"Jusko, ang bata pa nun bakit mo tinawag na papabol? May anak naba?" Siniko ko si Janine dahil sa sinabi niya. Nakita ko itong may tinitignan habang sinabi niya 'yon kaya nakakunot ang noo ko.

"Hindi ba kayo nahiya? Mag-kikense pa lang tayo tapos magkagusto kayo sa bente-kwatrong edad na lalaki? Bahala nga kayo dyan," aalis na sana ako ng pinigilan ako ni Orly.

"Kayo lang dalawa mag-kikense duh," sabi ni Orly.

"Pa epal ka na naman 'eh." Dugtong nito. Sumang-ayon naman si Janine.

Wag mong sabihin na kinampihan niya si Orly sa kagagahan niya? Hinawakan nilang dalawa ang magkabilang braso para lumapit sa nag-kumpulan na kababaihan. 

Nakipag-siksikan pa silang dalawa. Mukha tuloy silang bodyguard ko na hinaharangan ako sa mga tao, hanggang nakarating kami sa gitna. Nakita kung may mga First Year na nagpipila at sa dulo nito ay may nakita akong lalaking kaedaran na at sa tabi niya ay may isang binata, hula ko ito yong sinabi nila na papabol. May mga teachers rin na nag titilian kaya hindi ko mapigilang napangiwi.

"Yan ang anak ni Mr. Agus!" Sabi ni Orly.

"Hindi mo naman sinabing ganyan ka gwapo,” wika ni Janine habang nakatingin rito sa anak ni Mr. Agus.

Hindi ko makapaniwang mapatingin kay Janine. Ngayon ko itong nakitang nagkaganyan baka nahawa kay Orly. Tatalikod na sana ako nang bigla na lang ulit akong hinawakan nilang dalawa. Kaya wala na akong nagawa kundi maghintay kung kailan sila aalis. 

Hindi ko gaanong nakita ang lalaki na sinasabi nila kasi nakatalikod ito sa 'min. Laking gulat ko na lang nang bigla na lang itong humarap sa amin at nagtama ang mata namin. Para naman akong na-statwa sa kinatatayuan ko habang nakatingin rito.