Chapter Thirteen

Nasa isang fishing boat sina Harry at Jemima. Wala na silang piring sa mata. Wala na ring busal. Nakapalibot sa kanila ang mga kidnapper habang nakaupo sila sa sahig ng barko.

“Now that we’re here, you have no chance to escape.” Sinenyasan ng lider ng kidnappers ang mga kasama. Kinalagan ng mga ito sa pagkakatali ang mag-asawa. “You be good or I might feed you to the sharks.”

Iniwan sila ng grupo. Masayang nag-inuman ang grupo sa cabin ng fishing boat. Nanatiling nakaupo sa sahig ang mag-asawa.

“We really can’t escape here. There’s no island in sight,” pabulong niyang wika sa asawa.

“What shall we do?” Tanong ang naging sagot niya sa asawa. Gusto niyang paganahin ang utak. Alam niyang great swimmer si Harry pero hindi siya kagaya ng asawa.

“I’ll think of something.” Pinagmasdan niyang sandali ang mukha ng asawa. “Once we’re free, you can fly with Chester.”

“W-What?!” Nagulat man ay sumilay ang ngiti ni Jemima. Agad niya