Chapter 161

“Oo naman, kuya!” mabilis na sagot ni Amari. “It will make your relationship official.”

“Magkalayo ang agwat ninyo ni Xander, baka sa iyo hindi pa kayo pero dahil pumayag ka magpayakap at halik sa noo at kung ilang buwan mo na siya pinapayagan nang ganyan… I think you have to clarify your relationship with him,” payo ni Marco.

Natahimik si Amari at saka siya napaisip. Ano nga ba sila ni Xander? Ano nga ba si Xander sa buhay niya? Ang doktor lang kasi ang naglakas ng loob na manligaw sa kanya at nagpaalam pa ito ng pormal sa kanyang ina kaya naman tumaas lalo ang tingin niya sa lalaki. Maliban sa mga tingin ng doktor sa kanya minsan na puno nang pagnanasa at aaminin niya na nagpapatayo ito ng mga buhok niya sa braso at leeg, nararamdaman rin naman niya ang respeto at pag-aalaga ng lalaki sa kanya.

Kumunot ang noo ni Kara nang makitang pumasok na sa procedure room si Xander kasunod ng iba pang doktor. Sabay na napalingon sina Marco at Amari sa tinitingnan ni Kara. Nasa parang viewing d