Chapter 21

DUMIRETSO muna si John sa bar ng kaibigan na si William. Si Claire ay nagpaiwan na muna sa bahay nila. Dahil matagal din sila na hindi nagkasama ng buong pamilya nito.

Umorder siya ng isang bote ng whisky. Gusto niyang magpakalunod sa alak ngayong gabi. Binabagab ang konsensiya niya sa mga masasamang pinaggagawa niya sa asawa.

"Pare, andito ka na naman. Huwag mong lunurin ang sarili mo sa alak. Wala kang makukuhang sagot d'yan sa mga tanong mo," bungad nasabi ni William sa kaibigan at umupo sa harap nito.

"Gusto ko lang uminom," pagrarason ni John.

"Dalawa lang ang dahilan kung bakit ka pumapasyal sa bar ko. Una, kapag naghahanap ka ng bagong babae. Pangalawa, kapag may problema ka. Hindi kita makikita rito kapag ayos ka."

Madalas niyang makita ang kaibigan kapag nagha-hunting ng babae. 'Di ito nahihirapan dahil kusang lumalapit kay John ang mga babae. Pero 'nong ikasal ay nagbago, bihira na ito pumasyal.

"Naiisip ko lang 'yong mga nangyari, sa amin ng asawa ko," ani John.

"Hindi ko a