Chapter 22

PAGKAGISING ni John ng umaga ay hinanap ng mata niya ang asawa. Bumangon siya sa higaan at napahawak sa kanyang sentido. Masakit na masakit ang ulo niya.

Siyang pagbukas ng pinto ay ang papalapit na si Julieanne na may dalang tray ng pagkain.

"Kumain ka na, saka inumin mo ang gamot pagkatapos. Alam ko na masakit ang ulo mo dahil sa hang over. Si Claire pala hindi pa ata uuwi baka bukas pa raw," mahabang sabi ni Julieanne. Habang tahimik na nakatingin lang si John sa asawa.

Maaliwalas ang mukha ni Julieanne. Hindi mababakas ang hirap ng kalooban sa mga pinaggagawa ng kanyang asawa. Natandaan niya ang sinabi ng Mama niya noong bago palang sila ikasal ni John.

Kaya nagtitiis siya pero kung hilingin ni John na maghiwalay sila ay tatanggapin niya. Gusto niya pa rin na kompleto ang pamilya niya na binubuo kasama ang anak nila at si John.

Tumayo si John at pumunta ng banyo para maligo. Hinanda na rin ni Julieanne ang damit niya na nakalagay sa ilalim ng maliit na sopa sa loob ng kuwarto nila