CHAPTER 9

"Ngayon ko lang napagtanto na sobrang ganda pala talaga ng view sa bandang ito." Humahangang sambit ni Athena.

Nakaharap si Athena sa magandang view ng mga ilaw sa bayan mula sa Tree house na paboritong tambayan niya.

"Totoo, kagaya ng isang magandang dilag na aking hinahangaan ang lugar na ito." Sambit naman ni Angelo na nasa likuran ni Athena at nakatitig sa dalaga.

Tumawa nalang si Athena sa isinagot ng binata. Nang matapos ang sayaw nila kanina ni Angelo ay napagpasyahan na nilang umuwi na, subalit nakiusap pa ang binata na kung pwede ba na saglit silang mag-usap dahil may ibibigay daw sya sa dalaga, pumayag naman si Athena at dinala sila ng kanilang mga paa sa tree house na paborito nilang tambayan.

Nagulat si Athena mula sa kanyang likuran nang may ikabit si Angelo sa kanyang leeg.

"Kanina ko pa sana 'to ibibigay sa'yo kaso wala akong pagkakataon." sambit ni Angelo at ikinabit ang regalong kanina pa niya nais ibigay kay Athena.

Kinapa naman ng dalaga ang kwintas na nasa k