CHAPTER 2

Napabalikwas si Sloane mula sa mahimbing na pagkakatulog dahil sa panaginip niya. Nilibot niya ang paningin ng hindi pamilyar na kwarto at kitang-kita ang pagiging maaliwalas nito. Napatakip siya ng mga mata nang tumama ang sikat ng araw sa kaniyang mukha. Inayos niya ang kaniyang damit ngunit napakunot dahil tila isang kumot ang suot niya.

Nanlaki ang kaniyang mga mata nang maramdaman ang katawan na nakahubo. Sinilip niya ito sa ilalim ng kumot at nakita ang isang lalake na n*******d din.

Unti-unti niya itong tiningnan at nakita ang mala-Greek god na itsura nito. Hubog ang mukha, matangos ang ilong, at mapupula ang mga labi. 

‘Did we fuck last night?’ ani niya sa kaniyang isip.

Nanigas siya mula sa pagkakaupo nang gumalaw ito kaya niya nakita ang singsing na nakasuot sa daliri nito.

‘Fuck, he’s married?!’ 

Nataranta siya at nagmamadaling bumangon upang dumiretso sa banyo. Lingid sa kaniyang kaalaman, gising na pala talaga ang lalake bago pa siya magising at nagtulog-tulugan lamang ito.

Napatulala siya sa harap ng malaking bathroom mirror nang makita ang itsura ng buong katawan niya. Maraming marka sa kaniyang leeg, hita, at sa dibdib na halos magmukhang-pasa at may mga marka rin ng kuko sa kaniyang bewang. Magulo ang kaniyang buhok at kung may makakakita man sa kaniya ngayon, malalaman agad nila na galing siya sa isang matinding diligan.

‘Damn, he was rough…’

Hindi niya alintana ang sakit ng kaniyang pagkababae dahil sa naisip na nangyari noong nakaraang gabi. Hindi lamang iyon panaginip. Bumalik ang galit nang maalala niya kung paano niya nahuli ang kaniyang boyfriend at bestfriend na nagtatalik. Pagkatapos ng ilang gabing pagpaplano na gumanti ay natagpuan niya ang sarili niya sa bar na nagpapakalunod sa alak at nakikipagsayawan sa ibang lalake. Sa sobrang kalasingan niya, hindi niya na namalayan na maling kwarto pala ang napasukan niya. Kaya heto, narito siya sa banyo ng lalakeng katalik niya kagabi at nagtatago dahil sa kasamaang palad, may asawa na pala ito.

Kinagat niya ang kaniyang kuko at nilibot ang malaking banyo para maghanap ng pwedeng maisuot. Gusto niya na lamang makatakas sa kwartong ito dahil ayaw niya nang humarap sa isa pang confrontation sa legal na asawa nito. Naloko na nga siya ng mga taong pinagkakatiwalaan niya, magiging kabit pa siya.

Napahinga siya nang malalim nang maisuot ang isang robe at dahang-dahang binuksan ang pinto ng banyo. Tiningnan niya ang kama at nakitang mahimbing pa rin na natutulog ang lalake. Tinitigan niya ang mukha nito at hindi niya maitatangging may itsura nga ito. Kumuha siya ng sampung libo sa kaniyang wallet at lumapit sa bedside table at naglapag ng sampung libo. 

Agad siyang bumalik sa kaniyang kwarto at niligpit ang mga gamit upang bumalik sa Maynila. Bahala na ang cheater niyang ex-boyfriend at malandi niyang kaibigan. Magsama silang dalawa, parehas na mga hayop.

Samantala, umigting ang panga ni Saint noong makita ang sampung libo na iniwan ng babaeng katalik niya kagabi. Hindi niya alam kung saan iyon nanggaling ngunit dahil na rin sa dala ng alak at init ng katawan ay nagalaw niya ito. Laking gulat niya pa nang malaman na virgin pa pala ito. 

Nilukot niya ang sampung libo at tinawagan ang isang kaibigan na private investigator upang ipahanap ang babae. 

“Find her as fast as you can. I need every information about her, especially her location. I need updates by today.”

Naligo siya at muling bumalik sa kaniyang alaala ang ginawang pagtakas ng bride niya mula sa itinakdang kasal nila kahapon. Ni hindi man lang ito sumipot at pinagmukha lamang siyang tanga sa harap ng mga bigatin nilang bisita at sa buong clan ng Irvine.

‘How dare she… I gave everything to her.’ 

Kumuyom ang kaniyang kamao at tinanggal ang singsing na suot at flinush sa inidoro. Wala siyang pakialam kung magbara man ito, may pambayad naman siya.

Tiim-bagang siyang nagbihis at nagbayad sa housekeeper na maglilinis ng kaniyang kwarto at umalis na ng hotel. Wala na siyang pakialam. Ang tagal niyang hinanap ang kaniyang kababata, niligawan ito, ibinigay lahat ng luho, at tiniis ang ugali nito na tila ibang-iba sa ugali nila noong mga bata pa lang sila tapos ay lolokohin lamang siya nito at tatakas sa pinakamalaking araw nila.

Kinuha niya ang kaniyang cellphone nang tumunog ito at sinagot ang tawag na nagpangisi sa kaniya. Hindi niya alam na ang tawag na ito ang magpapabago sa takbo ng buhay nilang dalawa ni Sloane.

“I found the girl.”