TBIFTL — Prologue

Alam ko, kapatid lang ang turing ko sa kanya, pero bakit mahal ko siya nang higit pa roon?

-Gwen

***

Gwen’s POV

Tunog ng alarm clock ang gumising sa akin nang umagang iyon. Wala akong duty ngayon sa ospital pero sa bahay meron. Final exam nngayon ng mga kapatid ko kaya kailangan ko silang gisingin nang maaga. Sabay-sabay ang schedule nila.

Mabilis kong hinilamusan ang mukha ko at lumipat sa kabilang silid.

Bumungad sa akin ang magulong silid ng kambal na si Artemis at Hera. May mga nakakalat na libro at mga papel sa sahig, sa may tabi ng basurahan. Mukhang puspusan ang pag-aaral nila. Himala nga kay Hera, puro notebook ang nakabulatlat, hindi ang mga makeup kit niya. Sanay akong si Artemis lang ang maraming libro sa mesa.

Ginising ko na sila bago lumabas ng silid nila. Si Bastian naman ang sunod kong pinuntahan. Gising na siya at nakaligo. Nagbabasa rin siya ng libro kaya napangiti ako at binigyan ng thumbs up. Walang kalat rin kaya lumabas na ako para puntahan ang pinakamatigas na ulo na si Leander.

“May kasama siya, Manang?” tanong ko kay Manang Dina nang makita siya. Kakalabas niya lang mula sa guestroom para magpalit ng bedsheets.

“Opo. Nandyan si Ma’am MJ.”

Tumango ako bago binuksan iyon. Kailangan ko siyang gisingin talaga ngayon dahil may exam siya ngayong umaga. Graduating student si Leander at Aerospace Engineering ang kinukuha niya.

As usual, hubad ang dalawa nang pumasok ako. Sanay na ako na ganito silang dalawa kaya hindi ko na sila tinapunan ng nang tingin

Alam kong magagalit si Leander sa akin kaya si MJ ang ginising ko.

“Hey, may exam si Leander ngayon. Paglabas ko, pakigising, utos kamo ni Nanay. Okay?”

“Yes, Ate Gwen.” Papungas-pungas pa si MJ noon.

“Good.”

As usual, niligpit ko lang ang mga damit nilang nakakalat kasama na ang condom na basta lang tinapon. May dala na akong gloves para sigurado. Lagi naman kasing may nakakalat kapag pumapasok ako sa silid ni Leander.

Tinanguhan lang ako ni MJ nang lingunin ko. Pero bago ako makalapit sa pintuan ay narinig ko ang boses ni Leander.

“Who are you talking to?” dinig ko sa mahinang boses ni Leander.

“Si Ate Gwen,” sagot naman ni MJ.

“What?!”

Nang marinig ang boses niya ay nagmadali akong lumabas ng silid niya.

“Gwen!” tawag sa akin ni Leander sa pasigaw. Mabuti na lang at naisara ko na ang pintuan.

Ilang beses na niya akong sinabihan na ‘wag nang pumasok. Minsan naman hindi, kaso exm nila ngayon at binilin iyon ni Nanay kagabi bago siya matulog, kaya wala siyang magagawa.

Since tapos ko na ang aking routine ay sa kusina naman ako tumulong para ipaghanda ng almusal ang mga kapatid ko.

By blood, di ko sila kapatid, pero by heart, oo. Ang mga Madrid ang nagbigay sa akin ng second chance para mabuhay uli. Inampon nila at minahal ako at pinag-aral sa magandang eskwelahan. Kaya malaki ang utang na loob ko sa pamilya nila.

Ah, maliban lang pala sa panganay ng mag-asawang Madrid na si Leander. Sukang-suka sa presensya ko. Naiinis siya kapag nakikita ako.

Pagkatapos kong tumulong ay nauna na akong kumain dahil haharapin ko ang paglalabada ng aking mga damit. Hindi ko sinanay ang mga kasambahay na labhan ang akin dahil hindi naman nga ako totoong Madrid. Ang lamang ko lang sa mga kasambahay, anak ang turing at tawag sa akin ng mag-asawa. Pero kahit na ganoon, alam ko pa rin kung saan ang lugar ko. Hindi ako nagpapabigat.

Dahil konti lang ang nilabhan ko, natapos ko agad na banlawan. Kasalukuyan akong nag-dryer nang biglang lumitaw si Leander. May nasagi siyang balde na ginamit ko kaya tumingin ako.

“Ilang beses ko bang sasabihin sa ‘yo na bawal ka nang pumasok sa silid ko! Damn it! Hindi mo ba maintindihan talaga o sadyang bobo ka?”

Bigla kong nabitawan ang dryer dahil sa huling sinabi niya. Hindi ako gumamit ng automatic washing machine, sa mismong maliit lang na dryer ako.

“Sumusobra na ang bibig mo, Leander,” ani ko.

“Why? Does it hurt? So, totoong bobo ka? I wonder kung paano ka nakapasa bilang nursing?”

Biglang nanginig ang laman ko sa sinabi ko. Pakiramdam ko, pinipiga ang dibdib ko. Talagang inulit ba naman.

Imbes na magsalita ay walang sabi-sabing sinampal ko siya. Natigilan siya sa ginawa ko na sapo ang pisngi na pinatamaan ko, pero saglit lang iyon.

Akmang hahawakan niya ang dami ko nang may yumakap sa akin. Hindi ko makita ang mukha niya dahil sumubsob na ang mukha niya sa aking balikat. Pero sa amoy ng pabango niya, kilala ko na. Si Bastian.

“You deserved it, Kuya! Sumusobra ka na kay Ate Gwen!” ani ni Bastian nang bumitas sa akin at hinarap ang kapatid.

“Get out of my way, Bastian!” singhal ni Leander sa bunso nila

“No!” Sabay dipa ni Bastian para protektahan ako. Ngayon ko lang siya nakitang ganito sa akin. May sariling mundo nga rin kasi si Bastian, pero sumusunod siya sa akin na parang Ate. Mas madalas ako ang tawagin niya kay sa kay Leander.

“It’s okay, Bastian. Hindi ako sasaktan ng Kuya mo. Okay?” ani ko.

Bumaling siya sa akin na hindi inaalis ang pagdipa. “Hindi mo ba siya nakita? Gusto ka niyang patulan, Ate.”

“Hindi mangyayari iyon. Ako pa rin ang matanda sa kanya kaya may pagppigil pa rin siya. Sige na, bumalik ka na sa loob. May sasabihin lang ako sa Kuya mo.”

“You sure, Ate?”

“Hmm.” Kasabay niyon ang pagtango ko.

Bumaling si Bastian kay Leander.

“I’ll watch the CCTV, Kuya. If you hurt her, isusumbong kita kay Nanay at Tatay,” pagbabanta ni Bastian, sabay alis.

Sinundan lang nang tingin ni Leander ang kapatid. Nang mawala ito sa paningin niya ay sa akin naman siya bumaling.

“From now on, si Manang na ang bahala sa silid mo. Kakausapin ko si Nanay para hindi na ito maulit. Pero hindi ako hihingi nang paumanhin sa ‘yo kasi hindi ako mali.”

“Mabuti naman at natauhan ka na.” Tumaas ang sulok ng labi ni Leander.

“Please be patient, Leander. I’m working on it. Malapit ko nang mahanap ang Tatay ko. Kapag nangyari iyon, aalis ako kaagad rito. Pangako.”

“Glad to hear that, Gwen.” Tumalikod na rin siya kaagad.

Nakahinga ako nang maluwag nang mawala si Leander sa aking paningin.

Talagang ayaw niya ako. Kaya ‘wag siyang mag-aalala, mas dodoblehin ko ang paghahanap sa aking ama para makawala na rin dito.

Noon, hindi ko pinapansin ang trato sa akin ni Leander. Sumusunod lang naman ako kay Nanay dahil wala siyang tiwala sa iba na mag-aasikaso sa mga anak niya.

Simula nang araw na iyon, inabala ko ang sarili ko sa paghahanap sa aking Tatay. After ng shift ko sa ospital, uuwi lang ako para magbihis. Since isang dating car racer ang ama ko ay doon ako nagsimula. Marunong ako magmaneho ng sasakyan kaya ginamit ko iyon. Nag-training ako para makapasok sa isang circuit kung saan marami ang car racer na nagpupunta. Sobrang tagal na pero meron pa naman sigurong lead doon pagdating sa aking ama. Talagang Gusto kong umalis na sa bahay ng mga Madrid para magkaroon na ng peace of mind si Leander.

At nakilala ko doon si Mr. Julio Fajardo, isang businessman. At ang business niya? Ang magbenta ng mga impormasyon.

Pero hindi ko akalaing magkukrus ang landas namin ni Leander sa isang club. Kasama ko noon si Mr. Fajardo dahil pumayag ako na maging date niya nang gabing iyon kapalit ng impormasyon ng aking ama. Hindi ko akalaing basta lang niya ako binenta kay Leander. Alam ko na ang business nila sa Alleanza Oscura kaya hindi na ako nagtaka nang magpakilala siyang Irwin Chavez.