Kabanata 25 Bravery Kills Doubt

Marahang lumuwag ang kamay ni Wade sa leeg ko. Isang maliit na biyayang nagbigay sa akin ng lakas para huminga at mag-isip.

“T-Totoong nagbasa ako ng mga libro rito,” pag-amin ko, halos pabulong.

Kumunot ang noo ni Wade. “Ano pa ang ginawa mo bukod doon?” tanong niya, kalmado ang boses pero mabigat, parang bagyong naghihintay lang ng dahilan para sumabog.

Ramdam ko ang malamig na pawis na gumapang sa batok ko. Napapikit ako, pilit pinapakalma ang sarili, kahit alam kong anumang maling sagot ay katumbas ng isa na namang parusa.

“Nakita ko ang computer mo sa mesa—ahh!”

Napasigaw ako nang biglang tumama ang kamao ni Wade sa mesa, kasabay ng malakas na kalabog na umalingawngaw sa buong silid. Nanginginig akong napamulat. Kaunting sentimetro na lang, at mukha ko na sana ang tinamaan.

Napatitig ako sa kamay niyang nakatukod sa gilid ko. Kita ko ang pulang marka ng pwersa ng suntok, ang ugat sa braso niyang nangingintab sa galit. Napalunok ako, ramdam kong bumibilis ang tibok ng puso ko, b