Chapter 34

“Good morning,” Isang halik ang gumising kay Anikka kinabukasan.  Maliwanag na ang paligid at ang sikat ng araw ay tumatagos na sa salaming dingding.  Napansin niyang nakaligo na si Jayzee bagama’t naka white Giordano T-shirt lang din ito at boxer shorts.

“Anong oras na?” tanong niya dahil wala siyang natatanaw na orasan doon.  Hatinggabi na rin silang nakatulog matapos siyang muling angkinin nito.

“It’s time for breakfast.   Hihintayin kita sa baba bago ko pa makalimutang may pasok pa tayo sa opisina,” nakangiting wika nito.  Alam niyang pinamulahan siya ng mukha kaya’t iniwas agad ang tingin dito.