KABANATA 19.2: MAID

"Rika, ihain mo na ang mga ito sa lamesa para hindi ka na maging waiter mamaya," utos sa akin ni mama, tinutukoy niya ang mga bagong lutong ulam na kakatapos maluto.

Maingat kong binuhat ang tray at inayos sa lamesa ang pagkakalagay ng samut-saring putahe. Ang kasama ko naman ay ang naghanda ng malinis na mga plato, kutsara, table napkin at baso.

"Rika, halika na rito. Hayaan mo na sila r'yan," tawag muli ni mama sa akin nang marinig ang ingay ng mga bisita, hudyat na palapit na sila sa dining room.

Sununod ako sa ina at pumasok sa kitchen para maghanda at kumain. Ala-una kasi ng hapon ang practice namin para sa pageant. Alas-dose na ngayon at kailangan ko pang mag-ayos.

"Rika?"

Nakakamay ako habang kumakain nang marinig ang boses ni Sir Gavin na pakanta pa binanggit ang pangalan ko.

"Po?!" sagot ko rito at tumayo dahil baka may i-utos siya sa akin. Naghugas ako ng kamay dahil wala akong kasama rito sa kusina para sana utusan na sila na lang ang mag-assist kay Sir Gavin.

"Bakit po