Kabanata 8

Sa paglipas ng mga araw ay mas nagiging close kami ni Gio, pati ang kaibigan ko na si Aira ay naging kaclose na rin niya. Hindi ko alam pero ang gaan ng loob ko sa kaniya. Madalas na rin kaming magkasabay maglunch at minsan hinahatid niya kami ni Aira sa aming apartment kapag uwian. Napapaisip nga ako kung bakit niya ito ginagawa, bakla ba siya? Ngunit ang asar naman sa akin ni Aira ay may gusto raw ang boss ko sa akin. Hindi naman ako naniniwala sa kaniya dahil sino ba naman ako? Hindi kami bagay, isa lang akong hamak na sekretarya niya na taga isla. 

Ang gusto ng isang mayamang lalaki ay kauri rin niya. Iyong maganda, sexy at mayaman. Hinding-hindi talaga kami bagay kasi langit siya at lupa ako.

 "Scarlet, ready ka na ba?" tanong ni Aira sa akin habang hila-hila niya ang kaniyang maleta. Napatango ako sa kaniya. "Ang sexy talaga ng bff ko." Puri ko sa kaniya. Nakasuot siya ngayon ng maong shorts at croptop na bumagay sa hugis ng katawan niya. 

<