Kabanata  4

Nakaupo si Heather sa isang kwarto, nakasuot siya ng isang simpleng puting bestida at ngayo'y parang tulala lang siya.

Ilang araw na ang nakalipas nang sinabi ni Dr. Sanchez na pumayag na ang client niya na pakasalan siya dahil sa relihiyon niya.

At ngayon ay gaganapin na ang kasal na nirequest nya sa isang bahay sa Monday Village.

Isang palapag lang ang bahay na iyon at nasa isang exclusive na village eto nakatirik.

Sa lugar na eto, hindi masyadong nag-uusap ang mga tao at may mga sariling mundo lang ang mga tao, hindi sila nagbabatian o nagkikibuan.

Walang kapitbahay na nakakaalam ng nangyayari sa mga loob ng bahay at wala ring pakialam ang mga tao dahil normal na sa kanila ang pagiging pribado.

Dumating si Dr. Sanchez para sabihin na darating na ang client niya.

Parang tumigil ang mundo ni Heather, curious siya kung sino ang nag-rent ng sinapupunan niya at ang bumili ng egg cells niya.

Sino ang mapapangasawa niya at magiging biological father ng anak niya?

Sino kaya sila? Nakita na ba niya sila dati?

Tumayo si Heather nang bumukas ang pinto ng kwarto.

Pumasok ang isang mag-asawa  pero ang mas nakakagulat sa kanya ay nang makita kung sino ang dalawang taong papalapit sa kanya.

Paano ba naman? Sino ba naman ang hindi nakakakilala sa kanila?

Si Xeron Montellano at ang asawa niyang si Rubecka Corpuz.

Si Xeron Montellano ay isang successful na young entrepreneur at businessman, nag-iisang anak rin siya nang mayamang pamilya ng mga Montellano, ang number one richest family sa loob ng Pilipinas.

Kaya pala sobrang sikreto ng deal na ito at ang daming pera ang ginastos para lang magkaroon ng anak.

Kilala naman nang lahat na sobrang loyal ni Xeron sa asawa niya, lagi siyang tumatanggi sa mga babaeng nag-a-approach sa kanya.

Kaya idol siya ng maraming babae.

Gwapo, mayaman, successful, at loyal pa?  Saan ka na? Sino ba ang hindi maiinlove sa kanya?

Habang papalapit sila, mas lalong bumilis ang tibok ng puso ni Heather.

Huminto si Xeron at Rubecka isang metro lamang ang layo kay Heather.

"Ako si Xeron Montellano and this is my wife, Rubecka.  Alam mo naman na may asawa na ako diba? Kaya naman formal display lang ang kasal na ito, gaya ng gusto mo"

Unang beses niyang narinig ang boses ng lalaking nakikita lang niya sa TV, parang walang emosyon ang boses niya, malamig at flat.

Parang hindi naman siya ang mag-a-attend ng sariling kasal, parang ordinaryong event lang.

Tumango lang si Heather at hindi niya magawang tumingin ng diretso kay Xeron.

Lumapit naman si Rubecka kay Heather.

"Heather, salamat dahil pumayag ka sa offer namin ah," malumanay na sabi ni Rubecka.

"Naiintindihan ko kung bakit mo gustong magpakasal," dagdag ni Rubecka at bigla niyang tinaas ang baba ni Heather  para maitama ang mga mata nila.

"Pero sana ay tandaan mo na bahagi lang to ng deal natin. Sana maging professional ka, at huwag mong isipin na personal na bagay ang mga ito."

Magaan ang tono ni Rubecka pero sa mga mata at salita niya ay parang may malalim na meaning, na para bang pinapaalala kay Heather ang pagkakaiba ng estado nila.

Si Rubecka ay ang legal na asawa na mahal na mahal ni Xeron. Samantalang siya ay isang babaeng inuupahan para mabuntis at manganak ng anak para sa kanila.

"Gagawin ko lang po ang nakasaad sa deal natin, huwag po kayong mag-alala dahil alam ko ang tungkulin ko," sagot ni Heather at nakatingin saglit kay Rubecka bago siya yumuko ulit.

Alam niyang hindi siya dapat mag-overthink.

Alam ni Heather kung bakit ganoon ang sinabi ni Rubecka.

Bilang kapwa babae, nararamdaman niya ang nararamdaman ni Rubecka at ayaw niyang magdagdag ng sakit.

Desidido si Heather na gawin ang trabaho niya bilang surrogate mother ng anak nila. Hindi niya balak maging mang-aagaw o third party sa relasyon nila.

Sinabi na niya kung bakit gusto niyang pakasalan at hindi ito para agawin ang asawa ng iba.

Buong puso niyang ibibigay ang biological child niya para sa kaligayahan ng dalawang taong tumulong sa mama niya para magkaroon ng pag-asa na mabuhay.

Parang narinig ni Heather ang pagbuntong-hininga ni Rubecka bago siya bumalik sa tabi ni Xeron.

Pagkatapos noon, wala nang ibang sinabi pa kaya naman nagpatuloy na ang kasal.

Simple at maikli lang ang kasal.

Walang mga dekorasyon, walang grand reception sa bahay at lalong walang mga bisita.

Ilang tao lang ang dumalo, para lang matupad ang requirements ng kasal.

Bukod kay Heather, Xeron at Rubecka, nandoon si Dr. Sanchez at ilang tao na hindi kilala ni Heather.

Sa side naman ni Heather ay nandoon lang si Franky pinsan niya at anak ng kapatid ng yumaong tatay ni Heather.

Siya ang naging saksi ni Heather.

Wala na kasi ang tatay, lolo, at tito ni Heather at tanging si Franky na lang ang natitirang kamag-anak sa side ng tatay niya.

Sa deal nila, wala namang nabanggit tungkol sa mga regalo pero may inihanda pala si Xeron para kay Heather.

Pera at isang set ng alahas may mga necklace, bracelet, at earrings bilang mga regalo.

Walang singsing.

Hindi naman nag-aalala si Heather na walang singsing.

Ang importante sa kanya ay natupad ang request nyang ng kasal. Tsaka, hindi naman talaga kailangang magbigay ng singsing sa kasal.

Hindi naman panghabang-buhay ang kasal na ito dahil pagkatapos niyang manganak ay matatapos na ang relasyon nila at maglalaho na lang ang kasal na ito.

Pagkatapos ng Ceremony ay nag-picture lang sila ng sandali ngunit wala namang memorable sa ganap na ito.

Pagkatapos ay umalis din agad si Xeron kasama si Rubecka.

Ganyan ang kasal na pinagdaanan ni Heather.

Walang mga luha ng tuwa, walang mga ngiti ng kaligayahan. Tanging formal lang dahil gusto niya bilang bahagi ng deal.

Hindi ito ang pangarap na kasal na nasa isip ni Heather pero ito ang pinili niya dahil kailangan niyang pumili sa pagitan ng buhay niya at ng buhay ng mama niya.