Kabanata 4

Habang nagmamadaling umalis ng hotel hindi mawala sa isip ko kung bakit kilala ni Hector si Gabriel. Inaalala ko pa ang posibleng maging problema dahil sa nangyari sa amin ng lalaki.

“God! Dapat wala kang maging problema Hector dahil nasiyahan ka naman. Nakuha mo ang bagay na nilaan ko lang noon para kay Gabriel.” 

Pero kahit anong gawin ko at paulit-ulit na sabihin na wala lang hindi mapanatag ang kalooban ko. Kilala ko ang pamilya ni Hector, kay Mommy wala pang masyadong problema pero sa magulang ni Hector tiyak malaking issue ito.

Dahil sa nangyari hindi ko maiwasan na mapamura. “Fuck! Bakit ba sa kanya pa?”

Paglabas ko ng hotel agad akong pumara at sumakay sa isang taxi. Lingid sa aking kaalaman na kani-kanina lang ang taong tinakasan ko sa Manila ay narito na rin sa Davao.

Samantala… ( Third Pov.)

Saglit na na tigilan ang si Kathleen ng tila may nakita itong isang babae na hawig kay Ellara. Alangan man ang babae ay sumubok itong sabihin ang nakita kay Gabriel.

“Gab, parang nakita ko si Ellara kanina.” untag ni Kathleen sa lalaki.

“Ellara? Bakit naman siya nandito?” takang tugon naman ni Gabriel sa sinabi ni Kathleen. 

Bahagyang napaisip si Gabriel isa itong sikat at 5 star hotel. Paanong ma-afford ni Ellara ang manatili sa ganitong kamahal na lugar.

“Siguro hindi pa niya tanggap na wala na kayo. Kaya ng nabalitaan niya pupunta ka rito para kitain si Mr. Lombardi ay nagpunta siya para abangan ka.” mahinhin na sabi naman ni Kathleen na tumapos sa pag-iisip ni Gabriel.

“Huwag mo siyang pag-aksayahan ng panahon.” pinal nasabi Gabriel. Sa loob ng isip ng lalaki mas mainam na gumawa na nga lang ito ng eksena sa party kaysa ganito na sinusundan siya kung saan saan.

Para kay Gabriel sobrang naging mabuti siya kay Ellara ng magkasama sila. Lahat ay binigay niya dito kahit na kung tutuusin ay wala itong maipagmamalaki gaya ng sinabi ng kanyang lolo noon.

Nang maalala pa ang habilin ng lolo binalingan ni Gabriel si Kathleen. “Let’s go meet the CEO of Lombardi.It’s now or never, Grandpa said we need to get the Lombardi no matter what.” seryosong sabi ni Gabriel sa babae.

Kailangan ng Zerosa na makuha ang pabor mula sa Lombardi para isalba ang kanilang negosyo na ilang taon ng nasa bingit ng bankruptcy.

Ngunit sa kasawiang palad pagdating ni Gabriel at Kathleen ay wala na si Hector kahit ang assistant ng lalaki ay hindi nila nadatnan.

“It’s okay Gab.”pampalubag na sabi ng babae.

“There is another chance to meet him at the business dinner. Okay lang na hindi ngayon but at the dinner siguradong magkakaharap kayo.” 

“Tama ka.” sang-ayon naman ng lalaki.

“Kahit anong mangyari makukuha natin ang project kay Hector Lombardi.” Usal ni Gabriel na ikinangiti naman ni Kathleen.

Hindi naman alam ni Ellara na sadyang maliit lang ang mundo nilang ginagalawan at talagang pinag-lalapit-lapit sila ng tadhana.

Mula sa hotel sa bahay ng mga Guevara tumuloy si Ellara. Nandoon ang kanyang kapatid na si Ellise at kanilang ina na si Ellicia. Pagdating niya tila walang pag-aalala na makita sa mukha ng kanyang Ina.

“Binalaan na kita simula palang tungkol kay Gabriel Zerosa. Sinabi ko na sa’yo na hindi siya mabuting tao. Isa pa mahigpit natin silang kalaban sa negosyo. Natalo ka Ellara, kaya bukas na bukas haharap sa board ng ating kumpanya. Ngunit makukuha mo lang ang lahat kapag naikasal ka na sa tamang lalaki na tutulong sa’yo at hindi ka pahihirapan. Ikaw na lang ang maasahan ko Ellara.” ani Ellicia sa anak. Kahit gano’n ang pagkakasabi niya kay Ellara ramdam naman ng dalaga na kung nasasaktan siya ngayon mas lalo ang kanyang ina.

“Mommy kakabalik lang ni ate Ellara, at si Jano naman ay magiging brother in law na niya. Kanino pa ikakasal si Ellara ngayon?” ani ng kapatid ni Ellara na si Ellise.

Kahit paano gumaan ang loob ni Ellara. Mukhang marami ang nagbago sa mga nagdaang taon kay Ellise pero sana ang pagbabago na ‘yun ay maganda na. Pabor pa nga kay Ellara na natutunan na yata ni Ellise na mahalin din si Jano.

“In the next two days, may ipapakilala ako sa’yo.” malamig na sabi ni Ellicia.

Batid ni Ellise na mabait at hindi nanghihimasok ang kanilang ina sa kanilang mga relasyon. Ngunit dahil si Ellara ang panganay at inaasahan kaya siguro ito kumikilos na.

“Mommy sabi mo ako ang pipili ng lalaking pakakasalan ko.” tila pagtutol naman ni Ellara.

Kumunot lang ang noo ni Ellicia sa narinig kay Ellara, Nang makita ni Ellara ang naging reaksyon ng ina na tahimik bigla ang dalaga. Pero hindi 'yon kahulugan na papayag na  na ito sa gusto ng kanyang ina. Alam ni Ellara kung ano ang gusto niya. At batid din ng ina babae na hindi pasasaklaw ang kanyang anak ng basta basta.