Kabanata 7

Andy's Point Of View.

Tulad ng inaasahan ko, maganda rin ang loob ng villa na titirahan namin. Mawalak ang paligid, ito ang unang beses na makakatira ako sa ganitong klaseng lugar... Iyong halatang pang mayaman. Iyong bahay kasi namin ni Aemie, maliit lang, kasyang-kasya na para sa aming dalawa lang.

"Ang ganda," bulong ko habang nililibot pa rin ang tingin sa paligid. Dahil malawak ang kabuoan ng villa, malaki rin ang sala at maging ang kusina... Kompleto sa gamit lahat.

"Tara sa second floor, tuturo ko ang kwarto mo," narinig kong saad ni kumag.

"Maayos ba ang lock ng pintuan ng kwarto ko?" tanong ko sa kaniya habang umaakyat kami ng hagdan, napahinto naman ako bigla sa paglalakad dahil bigla siyang huminto at nilingon ako.

"Why are you asking? Sa tingin mo papasukin kita sa loob?" tanong niya at sinamaan ko naman siya ng tingin.

"Aba! Ewan ko sa'yo!" sabi ko. "Naniniguro lang, baka bigla mo akong gapangin 'pag gabi eh."

Nakita ko naman ang pag-awang ng kaniyang labi na para bang hindi siya makapaniwalang lumabas iyon sa bibig ko.

"What the fvck?" bulaslas niya. "Why the hell will I do that?"

Ang sarap palang asarin ng mga mayayaman 'no? May pa what the fvck and why the hell silang nalalaman.

Tinawanan ko lang siya bago maunang maglakad. "Malay ko sa'yo," sagot ko na lang habang nililibot nag tingin sa paligid.

"Parang ayoko na tuloy maniwalang hindi mo ako type."

Nilingon ko siya at pinanlisikan ng mga mata. "Tarantado ka? Hindi ba pwedeng nagbibiro lang ako? Wala bang sense of humor ang mga mayayaman?" sunod-sunod kong tanong ngunit ngumisi lang siya sa akin, napairap ako. "So saan ang kwarto ko?"

Tatlong kwarto ang nandito sa ikalang palapag, may nakita rin akong hagdan na sa tingin ko ay daan papunta sa terrace.

"Here," narinig kong saad niya at tinurok ang nasa kanang bandang pintuan. "Doon ako sa may kaliwa para may isang kwarto ang pagitan nating dalawa."

"Dapat lang, baka gapangin mo talaga ako kapag horny ka," sabi ko at nakita ko namang natigilan siya.

"Hell no!" sigaw niya sa akin bago nagmadaling pumasok sa kaniyang kwarto.

Malakas akong natawa sa naging reaction niya, success ang pang-aasar ko kay kumag. Dumiretso ako sa sinabi niyang kwarto ko at binuksan iyon, hindi ko maiwasang mamangha dahil sa laki nito. Mas malaki pa ito sa sala namin sa bahay. Malinis ang paligid, may king size bed at malaking cabinet. May sarili ring CR, balcony at may sofa pa.

"Wow, kailan kaya magiging ganito ang bahay namin ni Aemie?" bulong ko sa sarili habang pinagmamasdan ang paligid. Hindi ko alam kung iniisip ba sa akin ni kumag na isa akong tanga dahil simula kaninang pagdating namin dito ay kitang-kita na talaga sa mukha ko ang pagkamagha. Pero wala akong pakialam, dukha naman kasi talaga akong unang beses lang makapasok sa ganito kagadang bahay kaya bakit ko ipagkakaila iyon?

Isipin niya na kung anong gusto niyang isipin dahil sa huli, makikinabang din naman ako rito dahil sa perang ibibigay niya.

Wala akong ginawa kundi ang mag-ayos ng mga gamit ko, malapit ng maggabi noong matapos ako. Nagpahinga lang ako sandali bago tinawagan si Aemie, sigurado akong nakauwi na iyon sa bahay ngayon. Ilang ring lang ang lumipas ay sinagot niya ang tawag, pumunta ako sa balcony upang tingnan ang dagat, kaagad akong sinalubong ng malamig na hangin.

"Hello, Ate?" saad niya sa kabilang linya.

"Nakauwi ka na ba, Aemie?" tanong ko.

"Oo, Ate. Kakatapos ko lang magsaing. Ikaw? Nandiyan na ba kayo sa Batangas?"

"Oo, kanina pa."

"Taray parang honeymoon lang ah."

"Tarantado ka!" sigaw ko sa kaniya at malakas naman siyang tumawa.

"Bakit, Ate? Totoo naman, after kasal niyo diyan kayo dumiretso."

"Baliw ka talaga," bulaslas ko. "Huwag mo ako idamay diyan sa mga ganyan mo."

"Kamusta naman ang tinitirahan niyo? Maganda ba?"

"Oo," sagot ko. "Magpipicture ako mamaya tapos ise-send ko sa'yo, ang ganda rito. Nasa tapat kami ng dagat. Mahangin tapos tahimik, mukhang kami lang ang tao rito."

"Mas mataas ang tsansyang may mabubuo!"

"Tarantado ka talaga, Aemie," pagsuway ko sa kaniya. "Mukha bang papatulan ko ang lalaking 'yon? Mas mukha ngang mas masarap pa sa kaniya si Liam!"

"Hoy, Ate! Hindi naman sa pinamaliit ko si Kuya Liam ha pero mas gwapo si Kuya Andres para sa akin."

"Para lang 'yon sa'yo, mas mabuti pa, magsalamin ka na," wika ko at tinawanan niya lang ako. Nagpatuloy kaming mag-asaran sa call hanggang sa magpaalam siyang kakain na raw siya, binaba ko na naman ang tawag at malakas na napabuntong hininga.

Kinuha ko ang isang stick ng sigarilyo sa bulsa ko at sinindihan iyon. Nakatingin lang ako sa maalong dagat habang naninigarilyo, nakakagaan sa pakiramdam marinig ang mga alon na humahampas sa dalampasigan.

"So you're a smoker girl."

Kaagad akong napalingon sa nagsalita at nanlaki ang mga mata ko ng makita si kumag sa kabilang balcony, may hawak siyang isang beer at nakatingin din sa dagat.

"At ikaw naman lasinggero," banat ko, nilingon niya naman ako.

"Mas nakakamatay ang paninigarilyo."

Umirap ako. "Pakialam mo ba?"

Narinig ko ang pagtawa niya. "Ayokong maging byudo kaagad."

Napailang-ilang na lang ako sa narinig, hindi ko na siya sinagot pa at nanatili ang tingin ko sa dagat. Malapit nang maubos ang isang stick ng sigarilyo ko ng muli ko siyang marinig na magsalita.

"Ikaw ang magluto ng hapunan natin."

Kaagad ko siyang nilingon. "Aba? Hindi nga talaga security guard ang kanilangan mo kundi maid. Mukha ba akong katulong ha? Kumag ka talaga."

Inirapan niya ako. "Marunong akong magluto. Pagod lang ako dahil ilang oras din akong nagmaneho. Be fair."

"Hindi ka ba natatakot na lasunin kita? Pwede ko gawin 'yon tapos kukunin ko lahat ng pera mo at magpapakalayo-layo na ako."

"Ang dami mong sinasabi, magluluto ka ba o hindi?" inis niyang sabi, mukhang nauubos na ang pasensya.

Malakas naman akong bumuntong hininga. "Oo na, ako ang magluluto. Ano bang gusto mo?" tanong ko, at naiinis ako dahil nagtutunog akong isang maid.

"Kahit ano, tingnan mo kung ano ang laman ng ref."

Tumango na lamang ako at tinapon ang upos ng aking sigarilyo bago umalis.