Chapter 3 - Help

Labag sa loob ni Anais ang ginawa lalo na’t pakiramdam niya ay wala siyang pinagkaiba sa kaniyang pamilya kung paano tratuhin si Brent. Ngunit dahil sa problema nila sa kumpanya, gustong makatulong ni Anais sa bagay na iyon para hindi na pagbuntunan ng galit ng kaniyang ina si Brent. Iyon ang tanging tulong na naiisip niya para rito. 

Tahimik si Anais habang iginigiya siya ni Samuel sa inireserba nitong table para lamang sa kanilang dalawa sa isang mamahaling Restaurant sa Bonifacio Global City. 

Ipinaghila siya ni Samuel ng upuan. Tahimik siyang umupo at iniisip pa rin ang galit na nakita niya sa mga mata ni Brent. Ramdam niyang may problema at nababahala siya roon.

“Order everything you like, Anais,” nangingiting si Samuel nang damputin ang menu. 

Sumulyap si Anais sa menu ngunit mabilis na tiningnan si Samuel. 

“Hindi pa ako gutom, Samuel. Ano bang napag-usapan niyo ni Mama? Tungkol ba sa…” 

“I am planning to fund the company and save it from bankruptcy,” deritsong si Samuel habang nakatingin pa rin sa menu. 

It made Anais alert. Noong maramdaman ni Samuel na nakikinig ito nang maigi at interesado, palihim siyang napangisi lalo na’t alam niyang makukuha niya ito. Malakas ang kaniyang kumpyansa na maaagaw niya ito kay Brent. That loser is nothing compared to me. Iyon ang iniisip ni Samuel sa oras na iyon. 

“Planning. Ibig sabihin ay pinag-iisipan mo?” si Anais na tinitimbang ang kanilang usapan. 

Tumango si Samuel at tumingin kay Anais. 

“Mrs. Shen wants me to replace that loser as your fiancée, Anais. Kung naikasal tayo, kasama na roon ang pagmemerge ng kumpanya niyo sa kumpanya namin.” 

Unti-unting lumaki ang mga mata ni Anais. Hindi niya lubusang naisip na umabot na sa ganoong pagpapasya ang kaniyang ina nang hindi man lang siya kinakausap. Paano si Brent? Ngunit… si Brent ang fiance ko? Hindi pwedeng magpadalos dalos si Mama! Iyon ang kaniyang iniisip sa oras na iyon habang tulala at nagugulat sa sinabi ni Samuel. 

“Why? Do you like that loser, Anais? You are out of his league, Anais. You deserve someone who can match you. You’re very beautiful, rich, and elegant. Papayag ka bang matali sa lalakeng… kapos?” halos hindi maiwasang matawa ni Samuel sa kaniyang sinasabi. 

“Masyadong nagpapadalos dalos si Mama, Samuel. Hindi pa namin ito napag-uusapan,” giit ni Anais at binalewala ang pang-iinsulto nito kay Brent na medyo ikinagalit niya. 

“Well… we can talk about it. I will do anything to help the dying company of your family, Anais. Wala kanang iisipin pang problema hangga’t nasa puder kita,” he smiled confidently. 

Irita si Anais sa kayabangan nito. Sa totoo lang, kahit problemado ang kanilang pamilya ngayon dahil sa pagkakalugi ng negosyo, kahit inihahain na ni Samuel ang solusyon ng kaniyang problema, hindi niya agad matanggap tanggap iyon sa hindi niya malamang kadahilanan. 

Siguro nga ay ayaw niya sa ideyang matatali siya sa kagaya ni Samuel. At kay Brent ay ayos lamang, Anais? Iyon ang tumatakbo sa isip niya. 

“Pag-uusapan muna namin ni Mama ang bagay na ito,” pinal na desisyon ni Anais. 

Walang nagawa si Brent kundi ang umuwi at hayaan muna si Anais. Mas minabuti niya nalang din na hilain ang sarili pauwi lalo na’t baka kung ano pa ang magawa niya kay Samuel at hindi niya makontrol ang sarili. 

“At saan ka galing?” si Mrs. Shen na nasa may hagdan habang pinapaypayan ang sarili pagkatapos matanaw ang pagpasok ni Brent sa bahay. 

“Pinuntahan ko si Anais sa kumpanya, Ma’am…” ani Brent. 

Bumaba si Mrs. Shen at mabilis na nilapitan si Brent. Isang malakas na sampal ang iginawad niya rito na nagpapilig ng mukha ni Brent sa kanang bahagi. 

“Hindi ba’t sinabi kong huwag mong lalapitan nang basta basta ang anak ko?!” 

Binasa ni Brent ang labi habang nanatili pa sa kanang bahagi ang tingin at ramdam ang tumutusok na karayom sa kaniyang pisnging nasampal na marahil ay bumakat na ang palad ni Mrs. Shen. 

“Ano bang tingin mo sa sarili mo? Na nababagay ka ngayon sa anak ko, huh?!” 

Malamig na ibinalik ni Brent ang tingin sa ina ni Anais. Naisip niya ang namatay niyang ina. Naroon ang kaniyang isipan habang sumisigaw sa iritasyon si Mrs. Shen. 

“Ang katulad mo ay walang karapatan sa aking anak! Mababa ka! Hindi ka nababagay sa ginto kong anak! Isa ka lamang basura!” sabay hataw niya sa hawak niyang pamaypay sa mukha ni Brent. 

Pumikit si Brent at halos maramdaman sa kaniyang pisngi ang matulis na humiwa ng kaonti roon. It sting. Mahapdi iyon at alam niyang nasugatan siya sa ginawa nito. 

“Ang kapal kapal ng mukha mong puntahan siya roon! Paano nalang kung nakita ka ni Samuel?! Anong iisipin noon sa akin? Na ganito ka baba ang napili kong ipakasal sa aking anak?!” muli niyang hinataw ng pamaypay si Brent sa kaniyang galit dito, lalo na’t sa kaniya niya rin binubunton ang galit niya dahil wala na itong silbi sa gumuguho nilang kumpanya. 

“Mama!” ang kakadarating lamang na si Anais ay mabilis na pinigilan ang ina sa pananakit kay Brent. 

“Ano bang ginagawa mo, Mama?!” halos pumagitna siya at hinarangan ang katangkaran ni Brent sa inang nagpupuyos pa rin sa galit. 

“Kinakampihan mo ba ‘yan, Anais! Ano bang pinaggagawa mo sa anak ko?! Pinipikot mo ba?!” nag-amba siyang saktan muli si Brent at abutin ito ngunit pinigilan agad ni Anais. 

Gulat na gulat si Mrs. Shen na makitang galit ang kaniyang anak at nasa mababang uri ng lalake ang simpatya ng kaniyang tanging anak na babae. 

“Nahihibang kana, Anais! Ipinagtatanggol mo ang lalakeng walang magagawa para tulungan tayo! Samuel deserve you more than that loser! Hihilain ka niyan pababa at hinding hindi ko iyon pahihintulutan!” sigaw ni Mrs. Shen habang tinuturo si Brent gamit ang pamaypay. 

Umiling si Anais. “Hindi mo pa ako kinakausap sa bagay na ito, Mama!” 

“This is for your own good, hija. For your future!” si Mrs. Shen. 

“I’ll help, Anais…” bulong ni Brent, sapat lamang na si Anais ang makarinig lalo na’t halos madikit ito sa kaniyang dibdib protektahan lamang siya sa ina nito. 

Napatingala si Anais.

“Tutulong ako. Sa kumpanya niyo. Ako na ang bahala, Anais…” he whispered softly, like he meant everything he said. 

Ngunit kahit mabuti ang hangarin ni Brent, para kay Anais ay insulto iyon lalo na’t alam niyang walang wala ngayon si Brent. Ano? Bubuhatin niya ang problema ng aming pamilya? Ang pamilyang umaabuso sa kaniya? At paano niya iyon gagawin huh?! 

“Naririnig mo ba ang sarili mo, Brent? Ni hindi mo nga matulungan ang iyong sarili!” she hissed. 

Medyo nagulat si Brent. Hindi niya alam kung minamaliit siya nito ngunit natigilan siya roon.