Chapter 24

"SIGURADUHIN MONG MAIINOM iyan ng aking anak, Rosemarie."

Puno ng pagtutol na nag-angat ng tingin si Rosemarie sa hari na ngayon ay nakatayo sa harap ng bintana at tinatanaw ang payapa at magandang tanawin sa labas.

"Ngunit, Kamahalan."

Hanggang ngayon ay hindi pa maalis sa kanyang isipan ang naging reaksyon ni Antonius ng matapos ihayag ng hari kagabi na si Hawthorne ang magiging kapalit nito. Kabilang rin si Yovanna sa mga hindi natuwa doon.

Punong-puno ng galit at poot na pinagduduro ni Antonius kagabi ang ama nito, hindi sinang-ayunan ang naging desisyon nito ngunit hindi naman tinanong kung bakit iyon ang naging desisyon ng hari.

Sa totoo lang ay nahahabag din si Rosemarie sa anak ng hari ngunit hindi niya ito masisisi kung mas pinili nito si Hawthorne.

"Marami ang nakapagsabi sa akin na nahuhumaling sa 'yo ang aking anak at hindi ko siya masisisi dahil katangi-tangi naman talaga ang taglay mong kagandahan. Kung nagkaroon lang ako ng agam-agam tungkol sa pagiging manggagamot mo ay