CHAPTER 16

Nakatalikod siya. Wala din siyang pakialam kung makita ni Daniel ang kaniyang maputi at matambok na puwit. Wala naman siyang dapat itago o ikahiya, makinis at maputi ang lahat ng bahagi ng kaniyang katawan. Sanay siyang maghubad sa mga beach na napupuntahan niya sa US. Lalo na kung nakatalikod lang naman siya. Ang kailangan niyang isipin ay kung paano siya makakaiwas sa mga tukso. Kung paano niya maisasakatuparan ang kaniyang pinaplanong pagtakas. Kailangan niya ang kaniyang cellphone at pitaka. Iyon ang kailangan niya ngayong pag-isipan at hindi ang kamunduhan. Kung di siya makakatakas, may isa pa siyang iniisip na gagawin para si Daniel na ang kusang magsasabing babalik na lang sila sa Manila.

Nagulat si Daniel sa ginawa ni Irish na biglang paghuhubad. Hindi niya iyon inaasahan. Walang ganong babae. Iba talaga ang mayayaman. Parang wala lang sa kanila na may lalaking nakatingin. Oo nakatalikod siya ngunit kita niya ang maputing kabuuan ni Irish at napalunok siya. Bago siya bibigay a