PROLOGUE

“Anak! Anak, gising!” Nakaramdam ako ng alog na pinipilit akong gisingin. Dinilat ko ang mga mata ko at nakita ko ang namumutlang mukha ni mommy.

“Mommy?” Bakit siya namumutla?

“Tumayo ka! Dali!” Pinilit niyang hilahin ang braso ko para makaalis ako sa higaan.

Kinusot ko ang mga mata kong inaantok pa. “Bakit po mommy? Ano pong meron?”

“No time to explain! Kailangan nating um—” Naputol ang sinasabi ni mommy dahil sa malakas na kalabog na umalingangaw galing sa baba. Sabay pa kami nagulat ni mommy at napalingon sa pinto.

“Nandyan na sila!” Lalong namutla ang mukha ni mommy kaya lalo akong naguluhan.

“Dali! Kailangan mong magtago!” Hinila niya ako paalis ng higaan at diretso sa cabinet. Pinapasok niya ako sa isang kahon sa loob.

“Mommy, ano pong nangyayari?” Takang taka pero may halo nang takot ang tanong ko dahil dumadami na ang bumabagsak na tunog sa first floor.

Ano bang nangyayari sa baba? May magnanakaw ba?

“Dito ka lang ha? Lilith, huwag kang lalabas kahit anong marinig mo ha?”

“Bakit po? Mommy, ano po ba talaga nangyayari?” Hindi pinansin ni mommy ang tanong ko, tinanggal niya ang isa niyang hikaw, binigay saakin tsaka hinawakan niya ang magkabila kong pisngi at h******n ako sa noo.

Pagkatapos niyang halikan noo ko, nakita kong napupuno ng mga luha ang mga mata niya. “I love you, anak.”

Tinakpan niya ang kahon at sinara ang cabinet. Sumilip ako mula sa kahon at nakita ko siyang umalis ng kwarto ko dahil may awang ang cabinet na kinalalagyan ko.

Ano bang nangyayari sa baba? Bakit ang ingay? Bakit ako tinago ni mommy dito? Bakit niya binigay saakin ang hikaw niya?

Niyakap ko ang sarili ko at naghintay pero bigla na lang ako nakarinig ng putok ng baril kasabay ang malakas na sigaw ni mommy.

“Alan!”

Nagsimulang bumilis ang tibok ng puso ko at napatakip ako ng bibig. Bakit may baril? Sinong nabaril? Bakit tinawag ni mommy pangalan ni daddy? Si daddy ba nabaril?

“Please maawa kayo! Please—”

Isa na namang putok ng baril ang narinig ko.

No! No! No!

At isa na naman. Paulit ulit na putok ang narinig ko. Kada putok ng baril, parang bumabagsak ang puso ko.

Nagsimula akong umiyak at humikbi. Walang pwedeng mabuhay sa gano’ng kadaming tama ng baril.

“Mommy…daddy.” Hinawakan ko ang dibdib ko at umiyak nang umiyak. Tuloy- tuloy ang tulo ng luha ko dahil alam ko, wala na sila mommy.

“Tignan mo rito!”

Napahinto ako sa pag-iyak at nanlaki ang mga mata ko nang biglang bumukas ang pinto ng kwarto ko. Nakita ko sa awang na may mga lalaking pumasok, may hawak na baril at tinututok ito sa paligid habang tinitignan ang buong sulok ng kwarto. Agad kong tinakpan ang bibig ko para hindi nila ako marinig pero damang dama ko ang panginginig ng katawan at bibig ko sa takot.

Hinahanap nila ako! Papatayin nila ako!

“Parang wala namang tao dito,” saad ng isang lalaki.

Dinig na dinig ko ang malakas na pintig ng puso ko at bawat pigil na hininga ko. Please, sana hindi nila ako mahanap.

Please, umalis na kayo!

“Tignan mo doon sa cabinet, baka nagtatago.”

“Sige.”

Lalo ako kinabahan nang buksan ang cabinet na kinalalagyan ko. Nahirapan akong itago ang hininga ko sa sobrang takot na baka bigla nila ako mahanap sa loob ng kahon.

Please! Please sana hindi niyo ako makita!

“May nakita ka?” tanong ng lalaki.

“Wala. Walang bata dito. Tsk, nakatakas yata.”

Habang nag-uusap sila, nakarinig pa ako ng yabag ng mga paa na tila ba’y tumatakbo palapit sa amin. Meron pa silang kasama!?

“We need to go! Nandyan na ang mafia boss!” Narinig kong wika ng bagong dating lalaki.

Mafia boss? Ano iyon? Siya ba may pakana nito? Siya ba dahilan kaya pinatay sila mommy at daddy?

“Tara na! Nandyan na siya!”

“Sige kasunod mo ako!”

Sabay sabay silang umalis ng kwarto ko at nagkaroon ng katahimikan pero pagkalipas ng ilang minuto, may tumatakbong lalaki pumasok sa kwarto. Nakacorporate attire at may hawak na baril.

Sumilip ako mula sa kahon at tinandaan ang itsura ng lalaki. Itim na mahabang buhok at naka-ponytail, maputi ang balat na akala mo bampira at ang pinakatumatak sa akin ay ang peklat niyang pa-cross mula sa kilay hanggang sa taas ng pisngi.

Siya! Siya ang pumatay kala mommy!

Kinagat ko ang labi ko at napasara ng kamao. Damang dama ang umaakyat na galit sa dibdib ko.

Hahanapin kita! Magbabayad ka sa ginawa mo! Hanggang sa dulo ng mundo, sisingilin kita sa ginawa mo! Curse you Mafia boss! Curse all of you!