Chapter 41

"Anong nangyari sa pangako mong tagumpay, Mr. Villarama? Wala! Hindi mo natalo si Scion Wilt tulad ng sinabi mo!" galit na bungad ni Luciano nang tawagan ito ni Runo pagbalik sa opisina ng huli.

Kinabahan si Runo Villarama sa uri ng boses ni Luciano Villacostel sa kabilang linya. Bilang namumuno sa Janduran City, isa sa kanyang kinatatakutan ay si Luciano. Malakas ito at makapangyarihan kumpara sa kanya. Hawak nito ang delikadong grupo ng mga assasin sa mundo. Hindi siya nagdalawang isip na lapitan ito para sa planong pagpapabagsak sa batang Wilt. Kumpara kay Lord Scion, mas maraming koneksyon si Luciano ngunit talo naman ito sa lakas ng batang Lord. Alam niyang kailangan din siya ni Luciano kaya tinanggap nito ang sabwatan sa pagitan nila.

"Paumanhin Mr. Villacostel. Kahit natalo kami sa laban ngayon, hindi pa rin natatapos ang totoong laban."

Maayos ang kanyang plano. Nagawa niyang dayain sa laban si Lord Scion gamit ang isang sniper. Gumamit lang sila ng mga karayom na mayroong a