Chapter 40

"H-huntress?"

Ang gulat sa mga mata nito ay unti-unting napalitan ng galit.

"Don't move!" Pigil ni Eiress kay Hanzel o mas kilala sa tawag na Metal boy.

Siya ang dahilan kaya artificial ang isang braso ni Hanzel. Nang mamatay si Sally, hinayaan siya ni Luciano para ipaghiganti ito. Si Hanzel ang itinuturo nitong dahilan kaya namatay ang nag-iisa niyang kaibigan. Natalo niya sa isang laban si Hanzel kahit ito ang pinuno ng Dark dragon assassin ng mga panahong iyon. Nagawa niyang putulin ang braso nito dahil sa bugso ng damdamin at pagluluksa sa pagkamatay ng kaibigan. Hindi na siya magtataka kung galit pa rin ito hanggang ngayon sa kanya.

"Tumayo kayo at ilabas si Lord Scion dito!" utos ni Eiress sa mga kasamang guwardiya.

Nananatili ang kanyang tingin sa kalaban. Hindi niya ibinababa ang kanyang depensa. Nararamdaman niyang mas lalo itong lumakas sa nakalipas na mga taon. Anumang oras pwede itong sumugod sa kanya.

"Ikinalulungkot kong sabihin, Binibini. Hindi maaari ang gusto mong