Mabilis umiwas ng tingin si Eiress sa dalawa nang magtama ang tingin nila ni Lord Scion habang nakalapat ang labi ng babae sa labi nito. Itinaas din niya ang wind shield ng sasakyan at mahigpit na hinawakan ang laylayan ng suot niyang damit. Hindi niya alam kung ano ang mararamdaman niya sa nasaksihan. Normal naman sigurong masaktan dahil mahal niya si Lord Scion, pero normal din bang makipaghalikan ito sa iba? Sinabi ni Lord Scion na mag-asawa na silang dalawa, pero bakit may kasama itong ibang babae? Hindi lang ’yon, nakikipaghalikan pa ito sa babaeng ’yon!“Bwesit!” hindi niya napigilang sabi.Tumingin naman sa kaniya si Aline at Trigger, pero nanatiling tikom ang bibig ng dalawa.“Alam niyo ba ang tungkol sa kanila?” tanong ni Eiress.Yumuko si Aline nang tingnan niya, kaya bumaling na lang siya kay Trigger.“Wala kayong plano na sabihin sa akin ang tungkol sa kanilang dalawa? Sino ang babaeng ’yon? May karapatan naman siguro ako na malaman kung sino siya, ’di ba?”“She’s Isabella
Habang nanatili si Eiress sa hacienda Wilt, ginagawa pa rin niya ang dating trabaho. Inaalagaan pa rin niya ang mga kabayo sa k’wadra. Nagpapakain siya ng mga kabayo nang lumapit sa kaniya si Marlon.“Totoo bang aalis na kayo sa hacienda?” tanong nito. Halata sa boses ni Marlon ang kalungkutan sa nalalapit nilang pag-alis sa hacienda.“Oo. Hinihintay na kami ng pamilya naming sa Chipan. Matagal-tagal na rin kaming hindi nakakauwi,” sagot ni Eiress nang hindi nag-aabalang tumingin sa lalaki. Patuloy pa rin siya sa pagpapakain ng mga kabayo.“Eiress...”“Hmm?”Nagulat si Eiress nang hawakan ni Marlon ang braso niya at binaling siya rito.“Marlon—” Naputol ang sasabihin niya nang bigla siyang yakapin ng lalaki. Hindi siya agad nakakilos dahil sa pagkabigla.“Eiress, p’wede bang ako na lang? Hindi ko kayo pababayaan ni Liam. Sa akin na lang kayo sumama. Aalagaan ko kayong dalawa at mamahalin. Pangako, hindi ka magsisi kapag ako ang pinili mo,” nakikiusap nitong sabi.Nakaramdam ng pagkail
Nakatayo si Lord Scion sa balkonahe ng silid niya habang tinatanaw ang palayong sasakyan kung saan lulan si Eiress at Liam pabalik ng Chipan. Tila nabawasan ang pagkatao niya sa pag-alis ng pamilya niya. Ayaw man niyang malayo sa mga ito, pero mas pipiliin niyang umalis ang mga ito kung mapapahamak lang ang mga ito sa puder niya. May tiwala siya kay Trig at sa mga tauhan niya sa Chipan. Alam niyang hindi pababayaan ng mga ito ang mag-ina niya.Isang katok sa pintuan ng silid ni Lord Scion ang umagaw sa atensiyon niya. Nilisan niya ang balkonahe at nagtungo sa pinto. Nabungaran niya si Isabella pagbukas sa pintuan.“Hi!” Nakangiti nitong bati sa kaniya.Walang nagbago kay Isabella matapos ang ilang taon nilang hindi nagkita, pero marami naman ang nagbago sa kaniya. Pinapahanap niya si Isabella dahil sa awa at hindi dahil mahal niya pa ito. College sweetheart sila ni Isabella, pero hiwalay na sila bago pa ito misteryosong nawala. Nakapagtataka ang pagkawala nito dahil magulo ang tinutul
Hindi nawala ang kaseryosohan sa itsura ni Scion lalo na sa klase ng paratang ng tiyahin niya.“Hindi iyon ang tinutukoy ko. Gusto ko lang masiguro sa katauhan ni Isabella bago natin siya ipakilala sa mga Nesselio. Ayoko lang mapahiya sa kanila.”Humalukipkip naman si Marcela habang nakangiti kay Scion. “Hindi tayo mapapahiya, Scion. Malaki ang posibilidad na si Isabella at si Caroline ay iisa. Ayon sa inupahan naming tao para mag-imbestiga, bata pa lang si Isabella nang mapulot siya ng ampunang kumupkop sa kaniya kung saan huli ring nakita si Caroline. Ultimong damit na suot ni Isabella ng araw na iyon ay parehong-pareho sa damit ni Caroline. May katibayan din na magtuturo na isa siyang Nesselio dahil sa golden crown na suot niya during her fifth birthday—ang araw na nawala rin si Caroline. Katangi-tangi ang koronang iyon dahil nag-iisa lang iyon sa mundo.”“Itigil mo na ang pagdududa sa katauhan ni Isabella, Scion, dahil mismong DNA test niya ang nagsabi na isa siyang Nesselio,” saa
Bagsak ang balikat ni Lorraine habang naglalakad palayo sa k’wadra. Narinig niya ang pag-uusap ni Marlon at Tita Marcela niya. Kinuyom niya ang mga palad at hindi napigilan ang pag-iyak. Masakit para sa kaniya na marinig mula kay Marlon na handa itong gawin ang lahat para sa pagmamahal nito kay Eiress, kahit pa gumawa ito ng bagay na maaaring ikapahamak ng iba.“Ang s’werte mo, Eiress. May mga taong handang gawin ang lahat para sa pagmamahal nila sa ’yo. Si Lord Scion, alam kong ikaw ang dahilan kaya gusto niyang tumalikod sa kasal niya kay Caroline. Si Marlon naman handa niyang kalimutan ang pagiging tao at makipagtulungan sa bruha kong tiyahin para makuha ka lang. Paano naman ako? Ano na lang ang matitira sa inaasam kong pagmamahal ni Marlon?” Pinahid niya ang mga luha sa pisngi niya. Nagtungo siya sa garahe at kinuha ang kaniyang kotse. Lumabas siya ng hacienda Wilt habang nagluluksa ang kaniyang puso. Inubos niya ang oras sa pagmamaneho ng walang patutunguhan. Tumigil lang siya na
Masaya ang buong Kunglaw nang muling bumalik sa Chipan sina Eiress. Hindi magkamayaw sa pag-iyak si Nana Saling habang yakap-yakap nito si Liam. Nakangiti naman si Nuno Karding at halata rin ang kagalakan sa mukha ng matanda. Naghanda pa ng maliit na piging ang buong tribo para salubungin ang pagdating nila.“Natutuwa ako at narito na uli kayo, Eiress. Alang-ala kami sa kalagayan niyo nang mawala kayo ni Liam. Mabuti naman at pareho kayong ligtas ng anak mo,” saad ni Nana Saling habang buhat nito si Liam.“Nagpapasalamat din po ako, Nana Saling, dahil ligtas kaming nakabalik dito sa Purok. Napakasaya ko at magkakasama na uli tayo.” Nakangiting sabi ni Eiress.“Hindi lahat ng tao rito ay masaya sa pagdating niyo!” nakasinghal na sabi ni Sarya.Mabilis naman itong pinalo sa braso ng nanay nito at sinaway. “Tumigil ka, Sarya. Ayusin mo ’yang ugali mo. Nakakahiya kay Eiress.”“Bakit kayo mahihiya sa kaniya? Dahil naman sa kaniya kaya nagugulo tayo rito. Dapat kasi hindi na siya bumalik di
Dumating ang araw kung kailan nakatakdang maganap ang imbitasyon ng Nesselio Empire sa mga Wilt. Magkakasamang nagtungo sina Lord Scion, Isabella, Henry at Marcela sa Polican. Ito ang pinaka-mayaman at makapangyarihang bayan na tumatalo sa mainland na Canixer.“Bakit wala pa sila? Kanina pa tayo naghihintay, pero hindi pa nagpapakita kahit anino ng mga Nesselio. Kahit kailan talaga paimportante ang Carolina’ng iyan!” galit at naiinip na saad ni Marcela.May isang oras na yata silang naghihintay sa lobby ng Nesselio Tower, pero hindi pa rin sila pinapaakyat sa opisina ng Nesselio. Pinaghihintay lang sila roon ng mga staff kaya nagagalit si Marcela.“Wala rito si Senyora Carolina, Marcela. Bakit dinadawit mo ang pangalan niya sa tagal ng paghihintay natin?” mahinahong tanong ni Henry.“Alam niyang darating ang anak niya ngayon, pero hindi man lang siya naglaan ng oras para salubungin si Isabella. Sana man lang binigyan niya ng importansiya si Isabella kahit wala siya rito. Parang balewa
Tumuloy sa isang hotel sa Polican ang mag-asawang Marcela at Henry, habang si Lord Scion naman ay mas piniling bumalik na lang sa Argenxican. Kahit isang buong araw ang haba ng biyahe, hindi iyon alintana ni Lord Scion. Mas gugustuhin niya iyon kaysa marindi siya sa boses ng tiyahin. Wala ng katapusan ang pagtatanong nito sa kaniya kung bakit hindi niya maalala ang kasunduan sa mga Nesselio. Sumasakit lang ang ulo niya kapag iniisip ang bagay na iyon, lalo na’t wala talaga siyang maalala.“D*mmit! Why did I forget about it? When did it happen?” paulit-ulit niyang tanong sa sarili.Itinigil niya muna ang sasakyan sa gilid ng kalsada. Ginulo niya ang sariling buhok dahil sa frustration.“Ano ba ang pumasok sa isip ko noon at nasabi ko ang bagay na iyon? Imposibleng ma-obsessed ako sa isang tao kung napakabata ko pa. Baka dala lang iyon ng mura kong isipan. Ni hindi ko maalala na ginawa ko iyon.”Gulong-gulo na ang itsura ni Scion. Ngayon lang siya naguluhan ng ganoon. Buong buhay niya a