Chapter 19: Interview

NAABUTAN ni Kanor si Sean na nakatutok ang mga mata sa binabasa sa balita. Alam na niya ang tungkol sa balitang iyon at hindi niya inaasahan na makita iyon ng bata.

"Siya po ba ang daddy ko?" tanong ni Sean sa abuelo habang ang mga mata ay nanatiling nakatutok sa larawan ng ina kasama ang lalaking kamukha niya.

"Siya nga pero hindi ka pwedeng magpakita pa sa kaniya." Hindi na ipinagkaila ni Kanor sa bata ang tungkol sa lalaki. Lalo lamang gagawa ang bata ng paraan upang alamin ang katotohanan kapag itinanggi niya.

"Naintindihan ko po," simpleng sagot ni Sean sa ginoo at ibinalik na ang atensyon sa television.

Lalo lamang lumaki ang balita nang lumabas ang interview kay Steven. Kahit sinabi nitong wala itong relasyon sa babae at bagong kasosyo lamang ay marami pa ring malisyusong nagbigay ng ibang meaning sa balita. May nagsabi pa na kung hindi special ang pagtingin ng binatang bilyonaryo sa babaeng kasama nito ay hindi iyon ang maging action nito.

"Kuya, bakit hindi mo na lang pinabur