Chapter 26: Panganib

TAHIMIK na nagmamaneho si Tony ng sasakyan pero nakikinig sa pag-uusap ng amo at ng assistant nito.

"Gusto kong malaman ang totoo niyang pagkatao sa lalong madaling panahon." Utos ni Steven kay Grey.

Nagpasya na rin si Steven na layuan muna si Nicole upang makapag-isip ng tama. Naisip niyang iwasan ito at abalahin muna ang sarili sa ibang bagay upang makaiwas na rin sa tukso.

"Kakausapin ko po mamaya ang pinagkakatiwalaan mong detective." Sagot ni Grey sa binatang amo.

Inutusan din ni Steven si Grey na siyang magbanatay kay Nicole. Ito ang nakipag-usap dito kung ano ang dapat nilang pag-uusap ng dalaga.

Nang makababa na ng sasakyan ang dalawang pasahero ay mabilis na tinawagan ni Tony si Kanor.

"Bakit naisipan niyang paimbistigahan ang pagkatao ni Nicole? May nangyari ba na hindi ko alam?" nakakunot ang noo na tanong ni Kanor kay Tony.

"Sa palagay ko ay may kakaibang namumuo sa pagitan nila, Sir." Sagot ni Tony sa ginoo.

Biglang naisip ni Kanor na aakitin ni Nicole si Steven. Marahil a