Chapter 25: Arousal

MATAPOS kumain ay niyaya ni Joseph si Nicole na uminom kahit kaunti lang. Lubos-lubusin na niya ang oras ng dalaga na ibinigay sa kaniya ngayon. Natuwa siya at pinaunlakan naman iyon ng dalaga. Dim ang ilaw sa kinaroonan nila kaya nagmukhang romantic ang kanilang dinner.

Gusto ring makalimot muna ni Nicole sa mga bumabagabag sa kaniyang isipan at puso kaya pinaunlakan niya ang kaibigan.

"Salamat, na miss ko na rin ang ganito." Nakangiti si Nicole at itinaas ang kopita upang makipag toast kay Joseph. Hindi siya sanay uminum kaya tinablan agad siya. Pero may tiwala siya kay Joseph at ito ang maghahatid sa kaniya pauwi.

"Ako ang dapat na magpasalamat. Alam mo na sa iyo lang ako komportable sa ganitong bagay." Alanganing ngiti ang sumilay sa labi ni Joseph.

Natawa si Nicole sa inasta ng kaibigan. Alam niyang gusto nitong subukan na makipag relasyon sa babae at siya ang naisip nito. At dahil lasing ay naging makulit na rin siya at game sa kalokohan.

Inilapit ni Nicole ang mukha sa kaibiga