TILA nakakita ng multo si Monica nang madatnan niya sa opisina ni Ambrose si Valentina. Iyon ang unang araw niya sa trabaho sa resort bilang personal assistant ni Ambrose at hindi niya inaasahan na sa unang araw niya roon ay isang hindi inaasahang tao ang makikita niya. Talagang ang nanay pa niya na alam niya na ayaw na ayaw na makikipaglapit siya kay Ambrose.Nang nakita siya ni Valentina ay pinanlisikan siya nito ng mata at isang pamilyar na pakiramdaman ang lumukob sa buo niyang pagkatao. Takot na takot siya sa sariling ina hanggang sa nanginig ang mga kamay niya at nabitawan niya ang hawak na kape. Hindi niya maintindihan kung bakit ganoon na lang ang takot niya kay Valentina na parang noon pa man ay natatakot na siya rito. Kabaligtaran sa sinabi nito na maganda ang relasyon nilang mag-ina at malapit talaga sila sa isa’t isa. Kaya bakit may ganoon siyang takot para kay Valentina?Sa sobrang takot niya ay hindi na niya naramdaman ang pagkapaso ng paa niya mula sa mainit na kap
“PARANG galit si madam no’ng sinabi niya na sunduin kita, a. May ginawa ka ba kaya ganoon ang mood niya?”Napahinto si Monica sa akmang pagbaba sa kotse dahil sa sinabi ni Rico. Kakarating lang nila sa bahay ni Valentina. Hindi na siya nag-abalang tingnan ang lalaki. “Dapat ba ay palagi mong alam ang lahat?” sarkastikong tanong niya.“Ang sungit mo talaga. Manang-mana ka sa nanay mo. Sige na, puntahan mo na siya sa kwarto niya at mukhang masasabon ka nang husto!” Nakakalokong ngumisi si Rico na ikinairita niya.Hindi na siya nag-abala pang magsalita dahil parang natutuwa si Rico sa tuwing nakakakuha ito ng tugon mula sa kaniya at ayaw niyang ibigay ang kasiyahan na iyon dito. Bumaba na siya ng tuluyan sa sasakyan at inihanda na niya ang sarili sa kung anuman ang mangyayari kapag nakaharap na niya si Valentina.Dumiretso siya sa kwarto nito at kumatok. “M-m
HABANG katabi ni Martin si Milagros sa tricycle ay nararamdaman niya na meron itong itinatago sa kaniya na natatakot itong malaman niya. Kung ano man iyon ay dapat nitong sabihin sa kaniya dahil isa sa ipinangako nila dati sa isa’t isa ay dapat wala na silang ililihim. Kapag may problema ang isa ay sabihin sa isa upang magtulungan silang ayusin.Kung tutuusin ay pwede siyang magalit kay Milagros dahil sa pagsisinungaling nito ngunit mas gusto muna niyang malaman ang side nito. Gusto niyang marinig ang paliwanag nito kung bakit kailangan nitong hindi sabihin ang totoo sa kung saan ito tunay na naroon.Makalipas ang ilang minuto ay huminto na ang tricycle sa harapan ng bahay nila. Nauna siyang bumaba at binayaran na niya ang driver. Inalalayan niya pa rin si Milagros sa pagbaba nito sa tricycle hanggang sa makapasok na sila sa kanilang bahay.Tila pagod na pagod na napaupo si Milagros sa mahabang upuan at napansin niya ang pamumula ng kaliwang pisngi nito. Buong pag-aalala na umupo
HABANG nasa CR si Milagros ay may isang tawag na natanggap si Ambrose mula sa isang numerong hindi niya kilala kung kanino. Ngunit natatandaan niya na iyon ang tumawag sa kaniya noong isang araw at nagsabi na buhay pa si Monica.Ang totoo ay ilang gabi nang ginugulo ang isip niya na baka nga talaga buhay pa ang kaniyang nobya. Nahinuha niya rin na ang video ni Monica na sunog ang buong katawan na ipinadala sa kaniya ay matagal nang kuha base sa date na nakalagay sa video file. Iyon ay ang taon kung kailan namatay si Monica. Isa pa, sariwa pa ang sunog sa balat nito sa naturang video kaya alam niya agad na matagal na iyon.Ang hindi lang siya sigurado ay kung sa kasalukuyan ay buhay pa ba si Monica o talagang patay na.Dinampot ni Ambrose ang cellphone at malalaki ang hakbang na lumabas ng kaniyang opisina. Sa may hallway niya sinagot ang naturang tawag. “Hello,” aniya sa mababang boses. Pigil ang p
“WALA pala akong pasok ngayon dahil may pupuntahan si Sir Ambrose. Pero mamaya ay pupunta ako sa bahay ni Apple. Ibibigay niya iyong cellphone ko.”Kumunot ang noo ni Martin habang nag-aalmusal sila ni Milagros. “Cellphone? Ipinahiram mo kay Apple ang cellphone mo?” tanong niya.“Hindi. Ang sabi niya sa akin ay may inilagay akong cellphone sa uniform niya noong nasa resort pa kami. Hindi na niya naibalik sa akin kasi nawala na ako. Ang totoo nga niyan, hindi ko na maalala ang pangyayaring iyon sa sobrang tagal. Pero kukunin ko na rin kasi gumagana pa rin naman daw iyong cellphone. Sayang. Baka pwede pang magamit o kaya ay ma-save iyong mga picture na naroon,” tugon nito.Sandaling natigilan si Martin dahil meron siyang naalala. Iyong may mga lalaking pumasok sa bahay ng mga magulang niya at may hinahanap na cellphone. Hindi kaya ang cellphone na iyon ang hinahanap ng mga lal
NAGHANAP agad ng cellphone repair shop si Monica pagkadating niya sa bayan. Hindi naman siya nahirapan sa paghahanap dahil may napuntahan siyang lugar doon na magkakalapit ang mga ganoong shop. Sinabi niya sa lalaking nag-aayos ng cellphone na kailangan niyang mabuhay ang cellphone at baka battery lamang ang problema. Tiningnan iyon ng nag-aayos at pinalitan ng bagong battery. Nagbayad na siya at umalis nang maayos ang cellphone ni Milagros.Nagpunta muna siya sa isang fastfood restaurant hindi para kumain kundi para i-check ang cellphone ni Milagros at kung ano ba ang meron doon kung bakit gusto iyong makuha ni Valentina.Ang una niyang tiningnan ay ang files na nasa cellphone. May mga picture sina Milagros at Martin. Naroon din si Apple. Hanggang sa isang video ang nakita niya. Iyon ang nag-iisang video na meron ang cellphone. Hindi niya alam kung bakit may kaba siyang naramdaman nang sinimulan niyang panoorin ang
NAGAWANG buksan ni Valentina ng walang kahirap-hirap ang cellphone ni Milagros dahil wala iyong password. Agad niyang tiningnan ang lahat ng naka-save na files at wala siyang nakita kundi puro pictures nito at ng asawa nitong si Martin. Di-nouble check pa niya at baka meron siyang hindi nakita ngunit wala talaga. Walang video o voice recording ng naging pag-uusap niya at ng tauhan niya doon sa labas ng opisina ni Monica.Kung ganoon ay wala naman pala talaga siyang dapat na ikatakot sa Milagros na iyon. Nagsasabi pala talaga ito ng totoo na wala itong hawak na ebidensiya laban sa kaniya. Pero atleast ngayon ay nakasiguro na siya at makakahinga na siya nang maluwag. Hindi na siya mapa-paranoid at tuluyan na siyang makakatulog ng mahimbing sa gabi.Payapa ang kalooban ni Valentina nang humiga siya. Pipikit na sana siya upang matulog nang maramdaman niya ang pag-vibrate ng kaniyang cellphone. Ayaw niya sanang kunin iyon
LAKING gulat ni Monica nang pagpasok niya sa opisina ay sinalubong siya ni Ambrose ng isang mahigpit na yakap. Naririnig niya ang pagsinghot nito at ang mahihinang hikbi ng kaniyang boss. Sa kaniyang pagtataka ay hindi muna siya nakagalaw at hindi niya rin naman alam kung ano ang gagawin o sasabihin. Yayakapin niya rin ba ito? Ang hula niya ay may malaking problema si Ambrose kaya parang naghahanap ito ng comfort at nagkataon na siya ang naroon.Sinamantala ni Monica ang moment na nakayakap sa kaniya si Ambrose. Pinakiramdaman niya ang sarili kung may makakapa ba siyang pag-ibig sa kaniyang puso ngunit kagaya ng dati ay wala talaga. Hindi apektado ang puso niya sa yakap na iyon ni Ambrose.Nang tumagal na nang halos isang minuto na nakayakap si Ambrose ay doon na nagsalita si Monica. “S-sir? May problema po ba kayo?” tanong niya na sinundan niya ng mahinang tapik sa likod ng lalaki.“I am so