Kabanata 19

Maluha-luha na pinagmamasdan ni Colton ang anak na masaya na naglalaro. Ilan araw pa lamang ang nakakalipas nang malaman niya ang katotohanan sa pagkatao ni Cole. Malungkot man dahil wala siyang kaalam-alam tungkol sa anak, ngunit ang importante sa kan’ya ngayon ay kasama na niya at nasa tabi na niya ang bata.

Simula nang makumpirma ni Colton na anak niya nga si Cole ay hindi na siya lumayo rito. Kung pupuwede lang na oras-oras niya na makasama ang bata ay ginawa na niya. Nais niya na punuan ang mga araw at buwan na hindi sila magkapiling.

Sa mga nakaraan na araw, ang atensyon niya ay tutok sa bata. Sumasaglit lamang siya sa opisina upang mas makasama si Cole rito sa kan'yang condo.

Hanggang sa ngayon ay nananatili na isang sikreto ni Colton si Cole. Hindi sa ayaw niya na ipagmalaki ang anak niya kung hindi sa kadahilanan na gusto niya muna masiguro ang kaligtasan at seguridad nito.

Sa ngayon ay iilan lamang ang nakakaalam ng tunay na pagkatao ng bata: si Miguel ang natitira na ma