Kabanata 18.1

Aligaga si Kane. Hindi siya makapuslit ng tawag kay Mateo. Sinigurado ni Colton na wala siya na makakausap at animo siya ikinulong nito sa sarili na condo unit niya. Wala siyang magawa ngayon kung hindi ang maghintay sa susunod na magiging hakbang ng dating kaibigan.

Hindi niya lubos maisip kung sino ang nagtraydor sa kan’ya. Si Mateo ba? O si Yulence mismo? Ang alam niya lang kapag nalaman niya kung sino ang naglaglag sa kan’ya ay malilintikan iyon.

Ang laki ng panghihinayang ni Kane na nasa kan’ya na ang alas ay nawala pa. Umaasa na lamang siya na magkakaroon pa siya muli ng pagkakataon para magamit ang natitira pa na dalawang impormasyon na alam niya patungkol kay Atasha: ang pagiging prinsesa nito at ang isa pa sa kambal na anak nila ni Colton.

Masuwerte pa rin si Kane at hindi niya inilabas ang lahat ng sikreto niya dahil baka kung nagkataon ay talunan na agad ang labas niya. Ang kailangan niya ngayon ay makaisip ng paraan kung paano pa gagamitin ang mga ito.

Bigla na bumukas