TMST 25 - Jealous

"Try this one," ani Talia at dinala sa bibig ni Genesis ang sarili nitong fork na may hiwa ng karne.

"Masarap hindi ba, sir?"

"Mhmm... It's good..."

Hindi napigilan ni Lucky ang pagtiim ng bagang sa kanyang mga nasaksihan. Kanina pa niya pansin ang harap-harapan na paglalandi ng sekretarya ni Genesis dito, ang lalaki naman ay hinahayaan lang ang babae. Naiinis siya, ngunit pinili na huwag na lang pansinin ang dalawa. Mabuti pang mag-focus na lang siya sa sariling pagkain.

"Ma'am, mukhang gusto niyo pa, ito po. Kain lang ng kain." Pinagsandok siya ni Psalm ng soup at agad nagpasalamat si Lucky sa bodyguard. Buti pa si Psalm, inaalagaan siya!

Hindi maintindihan ni Lucky kung anong klaseng dinner ba itong dinaluhan niya, mukha kasing nauwi sa double date ang set-up nilang apat. Haay~ Bahala na nga. Ayaw niya munang isipin ang mga taong nasa harap niya, gusto niyang lasapin ang pagkain, mukha rin namang walang pakialam sa kanya-

Nabitin ang pagsubo ni Lucky nang makita ang 'di maipinta mu