Chapter 6

"Aalis po ba kayo boss?", tanong sa kanya ni Boram nang makita siyang bihis na bihis.

"Kayo lang po bang mag-isa boss? Hindi niyo po ba isasama sina Hwangbu?", muling tanong nito.

"May lakad ako at ako lang mag-isa. Kung wala ka ng ibang sasabihin, tumabi ka riyan", matigas niyang tugon. Ganoon talaga ang tono ng kanyang boses. Parang laging galit. Intimidating, powerful and domineering. Wala sa bokabularyo niya ang salitang "pakiusap". At diretso siyang magsalita kaya nga siya kinatatakutan ng lahat.

Lulan ng kanyang itim na kotse ay binaybay niya ang daan papuntang Gwangju. Ngunit kailangan muna niyang dumaan sa condo unit para sa pagbabago ng kanyang personalidad. May kikitain kasi siyang isang taong inutusan niyang bumili ng isa pang hyperreal mask na gagamitin niya sa panibago na namang pagpapanggap. Ayaw na niyang mag-aksaya pa ng oras kasi para sa kanya mahalaga ang bawat minuto.

Mabilis ang pagpapatakbo niya ng sasakyan kaya after twenty minutes, nakarating na siya ng condo.