CHAPTER 17

"ANONG ORAS umuwi ang Mama mo?" tanong sa kaniya ni Xander.

Nasa tapat lang sila ng Club-V sa maliit na gotohan at kumakain. Nang yayain siya ni Xander kanina ay ang gotohan sa tapat ng Club-V kaagad ang pumasok sa isip niya. Lagi rin kasi sila ni Bri sa gotohan dati, lalo na pagkatapos ng kanilang duty.

"Hindi ko alam..." Baliwalang sagot niya.

Naalala niya na naman ang Mama niya at ang narinig niya bago siya pumasok. Para ngang naririnig niya pa rin ang impit na ungol ng Mama niya at ng Papa niya hanggang ngayon. Nawalan tuloy siya ng gana.

"Don't you want the lugaw?" muli nitong tanong na kinataas naman ng kilay niya.

Alam niyang hindi biro ang tanong na 'yon ni Xander. Pero hindi niya maiwasang mapangiwi. Parang timang lang kasi pakinggan mula rito ang conyo words. Ganoon pa man, cute pa rin ito. Kung sa iba niya siguro nakaringgan 'yon, baka nasapok niya na ng maaga-aga.

"Mainit pa eh..." sagot niya na lang para hindi naman nakakahiya rito. "Sige lang kumain ka lang, 'wag kang