Kabanata 88

Pareho kaming natigilan nang biglang may boses na sumigaw na pumukaw sa atensyon ng lahat nang naririto sa loob ng restaurant.

Sa boses pa lamang niya ay alam ko na kung sino ito, kahit na nakatalikod ako mula sa kanya, alam na alam ko kung sino ang lalaking ‘yun.

Hindi ko inabala ang sariling lumingon sa’king likuran upang makita siya. Nakayuko lamang ako habang nag-aaktong nagbabasa ng menu kahit na wala naman akong naintindihan sa mga binabasa ko dahil nasa ibang dako ang utak ko.

“Xier,” rinig kong gulat na saad ni sir Lue.

Ramdam ko ang presensya ng isang bulto sa aking tabi, pero kahit na ganoon ay hindi ko pa rin iniangat ang aking ulo, nanatili akong yuko.

Wala akong balak na harapin siya, galit pa ako sa kanya. At alam ko sa aking sarili na marupok ako, kaunting paawa at pa-gwapo effect niya ay lalamunin na ako ng pagmamahal ko sa kanya, at ‘yun ang pinaka kinatatakutan kong mangyari.

Ramdam ko ang malamig niyang awra mula sa aking tabi. Nakatayo lamang siya sa aking gili