Kabanata 2

***

Dahan-dahan kong iminulat ang aking mga mata ngunit wala akong makita sapagkat may nakalagay na tela sa aking mga mata. Sinubukan kong gumalaw ngunit nakatali ang aking mga kamay at paa habang naka-upo sa upuan.

"Finally, your awake." saad ng lalaking dumukot sa akin. Walang nakalagay sa bibig ko kung kaya't makakapagsalita ako.

"Wala akong atraso kahit na sino. Kaya sino ka? Ano ang kailangan mo sa akin?" Tanong ko habang pilit kong inaalis ang mga tali sa kamay ko ngunit mas humihigpit ang pagkakatali nito.

"Ikaw wala, pero ang ama mo ay may atraso kay boss." saad niya bago tumawa. Napahawak ako ng mahigpit sa kamao ko at pinili ko na tumahimik.

Dalawang taon na ang lumipas matapos kong mabalitaan na pumanaw ang aking ama. Pinatay siya ng pinagkaka-utangan niya. Ngunit bago mangyari iyon ay nalulon muna siya sa sugal sa kasino hanggang sa na-ubos ang pera na ipinundar nila ng aking ina. labin-dalawang gulang ako noong mawala naman ang aking ina dahil nagkaroon siya ng kanser.

Noong labin-walong gulang ako ay umalis ako sa bahay namin dahil sa mapang-abuso kong ama. Sa tuwing malalasing siya ay sinasaktan niya ako at dumating ang pangyayari na pinagtangkaan niya akong gahasain. Mabuti na lamang at nakatakas ako at simula noong mangyari iyon ay hindi na ako bumalik sa bahay namin.

Nagpagala-gala ako sa lansangan hanggang sa tinulungan ako ni lola Lucille. Pinatuloy niya ako sa kaniyang tahanan at itinuring na anak ngunit noong mamatay siya ay pina-alis ako ng mga anak niya sa bahay. Nasa hustong gulang na ako noon at bago mamatay si Lola ay napag-alaman ko na nag-iipon siya ng pera para sa pag-aaral ko. Ginamit ko ang pera niya upang umupa ng bahay at nagsimula na magsikap para sa sarili ko. Dalamput-dalawang gulang na ang aking edad ngayon.

Malaki ang utang na loob ko kay Lola kaya hindi ko nakakalimutan na dalawin ang puntod niya.

Tinanggal ng lalaki ang pagkakalagay ng piring sa aking mga mata. Hindi ko siya matitigan ng maayos sapagkat nanlalabo ang aking paningin dahil sa matagal na pagkakatakip sa aking mata.

"Magandan ka pala." Saad niya bago niya hinawakan ng mariin ang baba ko. Tiningnan ko siya ng masama sabay iniwas ko ang mukha ko.

"Mamaya pa naman ang dating ni boss. Kaya hindi niya mapapansin ang gagawin ko." saad niya habang nakatingin sa akin ng may pagnanasa.

"Tangina mo, pakawalan mo ko." matapang kong saad sa kaniya ngunit tinawanan niya lamang ako.

Nagpunta siya sa bandang likuran ko at sinimulan niyang alisin ang tali. Kinakabahan ako at hindi ko alam kung paano ako makakatakas.

Napansin ko na naka-awang ang pinto ng kwarto kung kaya't huminga ako ng malalim upang pakalmahin ang sarili ko.

"I will let you escape ngunit may kapalit. Take me to heaven." Nakakadiri niyang saad matapos niyang tanggalin ang tali sa kamay at paa ko.

Sinubukan ko ang tumakas ngunit nahawakan niya ang buhok ko at pwersahan niya akong inilapit sa kaniya. Pinipilit ko na makatakas sa kaniya ngunit matangkad siya bukod doon ay mas malakas siya sa akin.

"Makinig ka sa akin kung hindi ay papatayin kita. Napakaganda mo pati ang hubog ng iyong katawan ay nakaka-akit. Dalhin mo ako sa langit at ang kapalit ay tutulungan kitang makatakas." saad niya habang sinusubukan akong halikan sa labi ngunit iniiwas ko ang aking mukha. Dinuraan ko siya bago nagsalita.

"Hayop ka. Bitawan mo ak-" naputol ang sasabihin ko ng bumukas ang pinto at may pumasok na tatlong lalaki.

Napansin ko ang panginginig ng hayop na lalaking ito bago niya ako pinakawalan.

"I will take you to hell, asshole." Saad ng nasa gitna nila sabay dumukot ng b-baril at itinutok niya s-sa akin. Napapikit ako sa takot at hinihintay ang katapusan ko.

"Boss, hindi ko na uulitin aaacckk." napasigaw ako dahil sa maraming beses na putok ng baril ang naririnig ko pati ang pagdaing ng lalaki. Ilang segundo ay may narinig akong bumagsak sa sahig. Binuksan ko ang aking mga mata at halos masuka ako dahil ang lalaking nagtangka na babuyin ako ay may tama ng baril sa ulo pati sa ibang bahagi ng kaniyang katawan habang ang damit ko ay natalsikan ng kaniyang dugo.

Nanginginig ang mga kamay ko habang nakakagat sa ibabang labi upang pigilan ang aking paghikbi. Ang mga tuhod ko ay nawawalan ng lakas at pakiramdam ko ay matutumba ako.

"Clean this mess." Utos niya sa kasamahan niya at agad naman siyang sinunod.

Nagtungo sila papunta sa direksyon ko at ang isa sa kanila ay lumapit sa akin habang nakangiti.

"Wear this." Saad niya pagkatapos niyang hubadin ang suot niyang coat. Nanginginig ko itong kinuha ngunit nabitawan ko ito. Mabuti na lamang at nasalo niya.

"S-Sorry." nanginginig kong saad sa kaniya bago ko kinuha ang coat niya.

"I'm Caleb." Saad niya bago sumunod sa kasama niya palabas.

Ako at ang tinatawag nilang boss ang naiwan sa loob ng kwarto. Nais kong lumabas ng silid dahil pakiramdam ko ay unti-unting nawawalan ng oxygen sa loob. Binabalot ako ng takot sa tuwing titingnan ko siya. Sumandal siya sa pader habang may hawak ng baso ng alak.

"Your father didn't pay his debt, which is worth 20 million. I was going to take his life, but someone killed him first before I did." Pagsisimula niya habang pinapa-ikot ang yelo na nasa loob ng basong hawak niya.

Tahimik lamang akong nakayuko habang nakikinig sa sinasabi niya.

"I heard that he has a daughter. That's why you are here." Dugtong niya bago nagsalin muli ng alak.

"Hindi ko alam ang tungkol sa utang niya. Promise, hindi ako magsusumbong tungkol dito sa nangyari." Nanginginig kong saad habang unti-unting tumutulo ang luha ko.

"Pay your father's debt so that I can let you go." Nakangiti ngunit mahahalatang may itinatagong kasamaan ang mga ito.

"I don't have any money. Pero sisikapin ko na bayaran ka ng unti-unti. Kaya pakawalan muna ako." Pagmamaka-awa ko sa kaniya.

"How about killing you?" pakiramdam ko ay binuhusan ako ng malamig na tubig dahil sa aking narinig.

"H-Huh?" Para akong nabingi dahil sa sinabi niya. Kinuha niya muli ang baril na nakapatong sa lamesa sabay ikinasa.

"Sandali, gagawin ko ang lahat. Kahit ano, huwag mo lang ako patayin. " Umiiyak kong saad habang nakatitig sa kaniya.

"Anything huh..." Saad niya sabay sinenyasan niya ako na lumapit sa kaniya. Napalunok ako ng laway bago ginawa ang gusto niya. Pagkalapit ko sa kaniya ay nagulat ako ng hawakan niya ako sa bewang at inilapit ang katawan ko sa kaniya. Nais ko siyang itulak ngunit natatakot ako sa kaniya. Baka bigla na lang niya akong barilin.

"Be my sex slave... I don't care if there are many men who taste yo--" hindi niya natuloy ang sinasabi dahil malakas na dumapo ang kamay ko sa pisnge niya.

"Fuck you... I w-want you to know that I'm not a slut. Ikaw ang may kasalan ng pagsampal ko saiyo. Pasmado kasi ang bibig mo." nanginginig kong paliwanag habang ang lalaking kaharap ko ay nanlilisik ang mga matang nakatingin sa akin. Ilang sandali ay narinig ko siyang tumawa.

'Nababaliw na ba siya?'

"I want you to marry me." saad niya ng may ngiting pilyo bago inalis ang pagkakalagay ng kamay sa bewang ko.

" Kasal? Hindi pwede. Ayoko magpakasal saiyo!" pagtataas ng boses ko habang hindi makapaniwala dahil sa sinabi niya.

" Wearing a ring or lying on the coffin. You choose." Saad niya habang pina-iikot ang baril sa hintuturo niya.

"I'll choose the second one." matapang kong saad. Napapikit ako ng mariin ng tutukan niya ako ng baril sa ulo.

"As you wish." narinig kong saad niya.

Sa dami kong pinagdaanan. Dito lang pala magtatapos ang aking buhay...