Chapter 5

Habang naglalakad ako sa mahabang hallway palabas ng ospital, mabilis akong natigilan noong mapansin ko si Vaughn sa di-kalayuan. Bahagya kong iginala ang mga mata ko at napagtantong mukhang magkukrus na naman ang landas namin. Wala na akong ibang lilikuan kaya nagpatuloy na lamang ako upang salubungin siya sa hallway dahil kailangan kong kumalma at huwag pansinin ang kanyang mga tingin. Sandaling nagtagpo ang aming mga mata bago kami tuluyang nagkasalubong, at noong nakalagpas na kami sa isa’t isa ay medyo nakahinga na ako nang maluwag.

Ganyan nga, Mira. Ituring mo siyang hangin sa mga oras na makakatagpo mo siya sa ospital na ito. Kaya nga ayaw kong pumunta rito dahil kay Vaughn, ngunit wala akong pagpipilian dahil talagang emergency kaya kailangan kong lunukin ang sinabi ko noon na hinding-hindi na ako aapak sa ospital na pagmamay-ari ng mga Crossban. Hindi ko akalain na magdu-duty siya ngayon lalo na't kakatapos lamang ng engagement party at kakauwi niya lang mula California, kaya nakapagtataka na naririto siya ngayon at naka-duty.

Noong nakalabas na ako sa main exit, kaagad kong hinanap si Hansoni at nilapitan ko siya noong napansin ko siyang nakaupo sa concrete bench habang tahimik na naninigarilyo.

“Aalis muna ako. Ikaw muna ang magbantay kay Ate,” saad ko sa kanya.

Tahimik lamang siyang napatango bago ako nagpasyang lumabas ng gate upang sumakay ng tricycle pauwi sa tinutuluyan namin. Kailangan ko ring kumustahin si Crusher na siyang nag-iisang naiwan sa boarding house na pagmamay-ari ni Tiya Ada kung saan kami nagrerenta.

After ten minutes na biyahe, nakarating na agad ako sa eskenita na dadaanan patungo sa tinutuluyan ko dahil wala namang traffic kaya mabilis ang aming takbo. Naglakad ako sa masikip na eskenita ng mga limang minuto bago ko narating ang tatlong palapag na boarding house kung saan nasa huling floor ang inuupahan namin.

“Crusher?” katok ko sa pinto. Ilang beses akong napakatok ngunit walang nagbukas sa akin kaya hinalungkat ko ang bag ko para hanapin ang susi. Mukhang tulog na tulog ang kapatid ko dahil hindi niya ako pinagbuksan, ngunit nabuwisit lang ako lalo noong hindi ko mahanap ang susi sa loob ng bag ko.

“Letse!” tanging mura ko at muling kumatok nang mas malakas. “Crusher! Open the door!” hiyaw ko kahit hatinggabi na.

Natigilan naman ako sa pagkatok noong biglang bumukas ang kabilang pinto at lumabas si Michael. “Mira, wala diyan ang kapatid mo. Umalis siya kaninang alas siyete kasama si Badong, ‘yung anak ni Lotlot,” ani Michael na tila inaantok pa.

“Sinabi niya ba kung saan sila pupunta?” tanong ko sa kanya.

“Ang narinig ko lang, sa isang bar sila pupunta. Hindi ko nga lang alam kung saang bar,” sagot niya naman kaya napabuga ako ng hangin sa inis.

“Thank you, Michael. Puwede bang makihiram ng pantusok? Nawawala kasi ang susi ko,” pakiusap ko sa kanya. Kaagad naman siyang kumuha ng maliit na metal at tinulungan niya akong buksan ang padlock. Muli akong nagpasalamat sa kanya noong nabuksan ang pinto at sa wakas ay nakapasok ako sa loob.

Naisipan kong magpalit muna ng damit at nagmadali ako dahil kailangan kong hanapin si Crusher. He is a minor kaya kailangan ko siyang mahanap sa mga bar na alam ko bago pa siya mapahamak.

Muli akong sumakay ng tricycle at habang nasa biyahe ako ay hindi ko maiwasang mapahilot sa sentido dahil sumasakit na naman ang ulo ko. Hindi ko na kasi alam kung saan ako kukuha ng pambayad sa bill ng kapatid ko, hanggang sa napasilip ako sa cellphone ko noong nag-pop ang mensahe ni Patrick.

‘Gurl, where are you? Nakahanap na ako ng taong pwedeng makatulong upang makapagbayad ka ng bill,’ text niya sa akin kaya naisipan ko siyang tawagan agad.

“Hello, Pat. Nasa biyahe ako. Wala sa bahay si Crusher dahil sabi sa akin ni Michael ay kasama raw ni Badong papunta sa bar. Kailangan ko muna siyang hanapin,” sagot ko naman sa kanya.

“Mira, bukas mo na lang siya hanapin. Katagpuin mo muna itong taong pwedeng makatulong sa’yo para makapagbayad ka sa bill ng ate mo,” tugon ni Patrick sa kabilang linya.

“Sino naman ‘yan? Client ba ni Tiya Ada?”

“Gurl, alam kong no choice ka na kaya patusin mo na lang. He can give you a 50k offer kapalit ng one night stand. Saan ka naman makakahanap ng ganoong kalaking offer sa isang lalaki kapalit ng virginity mo? ‘Yung iba nga, binenta lang ng 5k ang virginity nila kaya ano, aarte ka pa ba?” seryosong litanya niya sa akin.

“Nahirapan akong makipag-negotiate sa taong ito kaya huwag mo na sanang tanggihan dahil at least, ‘yung balance na lang ang poproblemahin mo,” dagdag na pangungumbinsi niya kaya muli akong napahilot ng sentido.

“Ok,” wika ko na lang kahit labag sa kalooban ko at napipilitan lamang.

“Sure ka? Dahil kakausapin ko na siya,” ani Patrick para masiguro ang sagot ko.

Desperada na ako kaya papatusin ko na lang kahit alam kong pagsisisihan ko naman sa huli ang desisyon kong ito. “Sige. Tell him. Papayag na ako, basta sigurado na 50k ‘yan, huh?” paniniguro ko sa kanya.

“Oo, sure na sure. Sa Resendo Resto ka na lang bumaba dahil naririto kami at naghihintay,” saad niya bago ibaba ang tawag.

Noong nasa harap na ako ng Resendo Resto, napahawak ako sa aking dibdib dahil sa lakas ng kabog nito. Wala na ba talaga akong ibang choice bukod sa pagbebenta ng sarili kong katawan?

Bahala na.

Tuluyan akong pumasok sa resto at kaagad akong napansin ni Patrick na mabilis na sumalubong sa akin. Naibaling ko naman ang paningin ko sa isang lalaking naka-black suit, malaki ang tiyan, at puti na rin ang buhok. Sa hitsura pa lang nito ay halata nang mayaman siya.

“Dr. Alcalan, here she is. She is Mira, 23. Virgin,” pakilala ni Patrick sa akin sa lalaki. Hindi ko akalain na doktor pala ang nakuha ni Patrick para sa akin.

“Nice to meet you, Mira. You're so pretty and sexy,” nakangiting saad niya habang hawak ang kamay ko. Halata ang panginginig ng aking mga kamay at alam kong napansin niya iyon dahil muli siyang nagsalita. “Don't be afraid, Mira. I've handled a lot of virgins kaya safe ka sa akin,” malumanay na saad niya.

Napalingon ako kay Patrick at sumenyas lang siya na sumama na ako kay Dr. Alcalan na nauna nang lumabas ng resto.

“Kaya mo ‘yan, insan. Ako na ang bahalang maghanap kay Crusher at saka hindi ka naman sasaktan ni Doctor dahil mabait 'yan. Kilalang-kilala ‘yan ni Tiya Ada dahil suki niya ‘yan si Doctor kapag may bagong pasok na virgin sa club niya,” litanya ni Patrick habang pilit na pinapanatag ang loob ko. Itinulak na niya ako at sinamahan palabas ng resto dahil nais niya akong ihatid hanggang sa kotse ni Dr. Alcalan upang hindi ko na maisipang umatras pa sa deal.

“Set your belt on, baby girl,” ani Doctor sa akin pagkapasok ko sa kotse habang nakaupo ako sa tabi niya sa driver’s seat, kaya napilitan na lamang akong ikabit ang belt habang pilit na kinakalma ang aking sarili.