Chapter 12

"Miss Gaia, gising po. Umalis ka raw po dito."

Pagkabukas ko ng mata ko si Saly, isa sa mga kasamabahay dito na halos kasing tanda ko lang ang bumungad saakin tila ba nagmamadali ito.

Umupo na lang tuloy ako sa kama at tinanong siya. "Ha? Anong ibig mong sabihin? Aalis na ako dito? Pero dis oras ng gabi ah. Nahihibang ka na ba?"

"Hindi po, utos lang po ni Sir Stelo. Nandito po kasi yung girlfriend niya dito raw po papatulugin."

Kumunot ang noo ko. "Ha? Bakit hindi sa kwarto niya?"

"Ehh basta po... Ito po susi sa basement, doon ka raw po muna. Pasensya na po Miss Gaia. Utos lang."

Matapos niyang ilagay sa palad ko yung susi ay umalis na siya.

"Umalis na ba siya?" Narinig ko ang boses ni Stelo sa labas. Malamang tinatanong si Beth.

"Palabas pa lang po, Sir."

Wala na along narinig na pag-uusap nila, at pagtingin ko sa pinto ay nakatayo na si Stelo.

Naalala ko ang gabi na akala ko ay tatapusin niya na talaga ang buhay ko.

"Kung...kung papatayin mo man ako pwede bang ngayon na?" Tanong ko