Chapter 3

Chapter 3: Kung Alam Mo Lang

Pagkarating ng Gobernador sa kanyang bahay ay agaran niyang tinawag ang babaeng nagngangalang Gaia. Ngunit hindi kaagad ito lumabas kaya naman ay bumakas sa kanyang mukha ang pagkairita.

"Gaia!" Pagsigaw niya ulit. Nang ginawa niya 'yon ay iniwan na siya ng kanyang mga body guard ang naiwan na lamang sa kanyang tabi ay si Raul.

Hinubad ni Stelo ang gamit na suit na sinalo naman ni Raul habang naglakad papunta sa kwarto ni Gaia si Stelo. Ang kanyang kanang-kamay ay napabuntong-hininga na lamang dahil alam na niya na hahanapin na naman nito sa Gaia at maaring pagbantaan ang dalaga kung hindi niya kaagad makita.

Sumunod lamang si Raul hanggang sa kwarto ni Gaia at walang dalaga na nadatnan doon. Sisigaw na sana ulit si Stelo ng dumating sa kanyang harapan ang pinakamatagal niyang katulong na si Manang Lolita.

"Iho, este, Sir, si Miss Gaia ay nasa likod lamang po ng inyong bahay. Magtatanim daw po siya roon sa bakuran."

Pagpapaalam nito sa nito. Agad naman na kumalma ang mukha nito. "Salamat, Manang Lolita. Magluto na lamang ho kayo ng sinigang para sa panaghalian natin."

"Oho, Sir. Masusunod po."

Umalis na ang matanda sa kanyang harapan kaya naman ay pumihit ito at bumaba sa hagdan para puntahan si Gaia sa likod ng kanyang bahay. Nakasunod pa rin sa kanyang likuran si Raul.

"Raul, can you stop following me around? Nasa bahay lang tayo."

Tila nabigla ang lalaki, nanlalaki pa nga ang mga mata nito sa gulat. "Ha? Opo, Gov."

"I can handle Gaia at wala naman akong gagawing masama sakanya kaya pwede mo nang itigil ang pagsunod mo saakin." Dagda pa ni Stelo.

"Noted, Gov. Alis na po ako kung ganun... Makikita niyo lang po ako sa salas."

Ngumiti pa ito ng pagkalaki-laki bago tumalikod at pumunta sa salas kung saan matiwasat siyang nagpahinga habang nanood ng boxing na palabas sa telebisyon.

Napailing na lamang si Stelo bago niya pinuntahan si Gaia sa likurang bahagi ng bahay na hindi naman nagkamali ang katulong na si Lolita sa pagsabi sakanya ng impormasyon.

Natagpuan niya si Gaia na nasa ilalim ng malaking payong na itinayo para hindi siya mainitan habang nagtatanim sa gitna ng mainit na panahon ng mga bulaklak na ipinabili pa ng dalaga sa mga tauhan ng Gobernador kanina.

Magsasalita na sana si Stelo ng marinig niya itong kinakausap ang mga bulaklak sa paraan ng pagkanta. Kahit na malayo pa naman siya sa dalaga ay napahakbang siya ng isa patalikod at napagdesisyunan na pagmasdan muna ang dalaga sa ginagawa nito.

Walang anu-ano'y may isang katulog na lumapit sakaniya at binulungan siya kung bakit ginagawa yun ni Gaia.

"Sir, sabi ni Miss Gaia kanina susubukan niya na lang po niyang magtanim tutal hindi naman po siya pinapayagan ni Manang Lolita na gumawa ng gawaing bahay dahil baka raw po magalit kayo at ayaw po ni Miss Gaia na mainip sa kanyang kwarto kaya napag-isipan niya pong na magpabili ng mga bulaklak na itatanim niya."

Sinulyapan siya ni Stelo. "Okay. Thank you for your information."

"Ay walang ano man ho, Sir." Isinabit pa ng babaeng katulong sa likod ng kanyang tenga ang ilang hibla ng kanyang buhok na tila ba ay nagpapansin na sa amo.

Napansin 'yon ni Stelo kaya kinunutan niya ito ng noo sabay sabing; "Leave."

Tila nabalik sa katinuan ang katulong kaya agad itong umalis sa harapan ni Stelo. Siya naman ay tuluyan ng lumapit kay Gaia na ikinabigla naman ng dalaga kaya agad itong napatayo mula sa damuhan.

"Anong kailangan mo?" Kaagad na tanong ni Gaia kay Stelo.

Kumislot ang isang bahagi ng labi ni Stelo. "I didn't know that you're into gardening."

"Hindi mo naman kailangang malaman."

Walang siglang pakikipag-usap ng dalaga.

Tumaas ang dalawang kilay ng binata habang tinitignan siya nito. "Kung sana ay sinabi mo na gusto mo ng mga halaman sana ay kinuha na lamang kitang taga alaga ng hardin ko. May sweldo ka pa."

Sarkastikong bumuntong-hininga si Gaia. "Sweldo? Talaga ba? Sa tingin ko ay mas mabuti na pauwiin mo na lamang ako saamin."

Nagbago kaagad ang timpla ng mukha ni Stelo. "Aren't you still happy that I didn't put you in the basement? Aren't you happy that you're back at living like a highness here?"

Totoo ang kanyang sinabi na hindi niya inilagay sa basement ang dalaga katulad ng plinano niya kasi naalala niya na may phobia ang dalaga sa masisikip na lugar at maari siyang mamatay ng dahil lamang doon at ayaw niya 'yung mangyari dahil magiging madali ang lahat at mauuwi sa wala ang kanyang plinano.

"Hindi. Hindi kailanman ako magiging masaya sa bahay na ito at ano? Highness? Sa tingin mo ganun katiwasay ang buhay ko rito dahil wala akong ginagawa? Nagkakamali ka! Para akong namumuhay kasama ang demonyo dito."

"Really? I'm so glad to hear that. Mamuhay ka hangga't gusto mo rito pero hindi ka makakatakas sa hawak ko!"

"Napakademonyo mo talaga! Wala kang kasing sama!"

Nagsimula na naman silang dalawa na magsigawan. Sinabuyan pa ni Gaia ng lupa si Stelo sa kanyang mukha na kaumlat din sa kanyang damit na mas lalong ikinagalit nito.

Napilitan siyang hawakan si Gaia sa kamay para hindi na muling makagawa ng kung ano man sakanya sa mga oras na 'to.

"Allesandra Gaia, kung matapang ka man ngayon, kung nalalabanan mo man ako ngayon darating ang araw na hindi mo na magagawa yan."

Ipinalandas pa ni Stelo ang kanyang daliri sa mukha ni Gaia na pilit namang lumalayo sakanya.

"Kung malalaman mo ang lahat ay baka kaawaan mo pa ako. Kaya habang nakakapagtimpi pa ako ay pumasok na tayo sa loob at kumain."

May diin ang bawat letra na kanyang binibigkas niya. Kinilabutan naman si Gaia pero binalewala na lamang ito at walang nagawa kundi ang sumunod na lamang sa kung ano ang gusto nito.

Nagpaunang pumasok sa loob ng bahay si Stelo para makapagpalit pa ng damit dahil nalagyan ng lupa at si Gaia naman ay iniligpit at naghugas ng kamay bago pumasok, katulad ni Stelo ay napagdesiyunan niya rin na mapalit ng damit.

Kaya naman lagpas alas dose na sila nakakain kasama ang mga kasamahan sa bahay.

Pagkatapos ay nagpresinta si Gaia na maghugas ng mga pinggan. Katulad ng dati ay aangal sana si Manang Lolita pero tumayo at nagdesisyon si Stelo sa dapat gawin ng dalaga sa kanyang pamamahay.

"Manang, hayaan mo na siya sa gusto niyang gawin. Kung gusto niyang tumulong sa mga gawaing bahay dito ay hayaan niyo siya. Kung niyang mahirapan, hayaan niyo."

Iyon lamang ang kanyang lintana bago umalis sa hapag para mag siesta bago pumunta sa munisipyo para sa kanyang pang-hapong meeting.

Para sakanya ay mas mabuti na lamang na gawin ni Gaia ang gusto nito kaysa ang maisipan nitong tumakas at isiwalat siya sa sangkatauhan.

Habang natutulog ay hindi maiwasan na hindi siya dalawin ng masamang panaginip mula sa kanyang nakaraan.