Kabanata 39

Madaling araw pa lang nang muling nabalisa ang mga manlalaro sa malakas, robot na boses ng isang anunsyo na nagmumula sa mga speaker sa isang lugar sa paligid ng buong lugar, na nag-uutos sa kanila na magtipon sa bulwagan. Walang kahit anong laro na naka-iskedyul ngayon kaya medyo kakaiba na kailangang magtipon. Hindi nagtagal at ang mga manlalaro ay nasa iisang lugar, naghihintay ng impormasyon na maaaring magpabago ng kanilang buhay para sa mas ikakabuti o marahil para sa ikasasama.

Isang malaki at malinaw na bowl jar ang inilalagay sa ibabaw ng matataas na bilog na mesa sa gitna ng entablado. Sa loob nito ay may maliliit na bolang plastik na may iba't ibang kulay . Sa likod, ay ang digital screen na wala pang ipinapakita sa ngayon. Ngunit maya-maya lang, umilaw ang screen at lumabas ang nakasulat na tagubilin.

"Greetings, players. Ang glass jar sa harap ay naglalaman ng mga pribilehiyo para sa inyo. Bawat isa sa inyo ay kukuha ng isang bola at tahimik na bubuksan ito."<