CHAPTER 5

CHAPTER 5

“Hindi ako kailanman nagkautang kay Bianca at hindi rin ako nagkautang sa’yo Francis. Maaaring sa trabaho ay senior nya lamang ako. Pero sa personal naming buhay ay wala kaming utang na loob sa kanya,” seryoso pa na sabi ni Sophia kay Francis.

Napadako naman ang tingin ni Francis kay Sophia at napabuntong hininga na lamang sya rito. Nakasuot lamang kasi si Sophia ngayon ng simpleng damit at simpleng mahabang palda at balingkinitan pa ang baywang nito. Maganda rin ang mata at kilay ni Sophia.

Si Sophia kasi ay may pagkamatigas at malamig ang ugali. Napakatalino rin nito at talaga naman na hinahangaan din ang kagandanhan nito.

“Pasensya na. Alam kong kasalanan ko ito,” seryoso naman na sabi ni Francis kay Sophia.

Hindi naman na nagsalita pa si Sophia at napabuntong hininga na lamang sya dahil doon.

Katahimikan naman ang namayani sa kanilang dalawa at hindi nga maiwasan ni Francis na mapasulyap sa magandang mukha ni Sophia.

KINABUKASAN……

May lumabas naman na balita tungkol sa pagbagsak ni Max Villamayor. Tiningnan sya ni Marvin bilang isang magiliw na tao pero sopistikado at makapangyarihan sa ibang pamamaraan.

Gumawa kasi ng paraan si Marvin para malantad ang mga masamang gawain ni Max kaya agad itong naalis sa posisyon sa kumpanya.

Nang ibigay ni Sophia ang mga produkto ay si Marvin ang tumingin noon at pumasa naman iyon sa kalidad na nais nya.

“Wala ka man lang yatang kati katiwala sa akin ms. Marquez ah,” nakataas pa ang kilay na sabi ni Marvin kay Sophia. Kita naman nya ang pawis sa noo ng dalaga at napapalunok na nga lamang ng sariling laway nya si Marvin dahil talagang nagagandahan sya kay Sophia.

“Hindi naman. Nag iingat lamang ako dahil baka magkaproblema na naman,” nakangiti pa na sagot ni Sophia kay Marvin.

Dahan dahan naman na tumango si Marvin kay Sophia saka nya ito matamis na nginitian.

Hindi naman nakalagpas sa paningin ni Francis at Bianca ang senaryo na yun dahil kitang kita nga nila ang mga ito. At kitang kita nga ni Francis kung paano titigan ni Marvin si Sophia.

“Sophia mukhang magkasundong magkasundo kayo kayo ni Mr. Marvin Villamayor. At infairness mukhang bagay nga kayong dalawa,” nakangiti pa na sabi ni Bianca ng makalapit sila sa pwesto nila Sophia at Marvin.

Nagkatinginan naman sila Marvin at Sophiabdahil sa sinabi ni Bianca pero hindi naman na iyon pinansin pa ng dalawa at nagpatuloy na lamang sila sa kanilang ginagawa.

“Ang pagtutulungan na ito ay magdudulot lamang ng gulo sa mga Villamayor,” madilim ang tingin na sabi ni Francis.

“Wala namang gulo Mr. Francis,” sagot ni Marvin kay Francis habang may nakakalokong ngiti sa labi nito. “Lalong lalo na kung may kasama kang napakagandang babae kagaya ni Ms. Sophia,” dagdag pa ni Marvin habang nakatitig ito sa magandang mukha ni Sophia.

“Si Ms. Sophia ay alam kong isinasantabi ang personal na buhay nya sa kanyang trabaho. Natatakot ako Mr. Marvin na baka hindi mo iyon naiintindihan at magkaroon tayo ng hindi pagkakaunawaan,’” seryosong sagot naman ni Francis.

Makahulugan namang tinitigan ni Francis si Sophia. At kaagad naman iyong napansin ni Marvin kaya naman napapangisi na lamang ito.

“Hindi naman mahirap na ipagbukod ang personal na buhay sa trabaho. Kapag may gusto tayo sa isang babae ay gagawa at gagawa tayo ng paraan para mapansin nila tayo.. At isa pa ay alam ko naman na wala kang pakialam sa personal na buhay ng iyong mga empleyado, tama ba ako Mr. Francis?” sagot naman ni Marvin kay Francis habang nakangisi pa ito.

“Kaswal lamang ako Mr. Villamayor,” seryosong sagot ni Francis dito.

Pagkatapos nyang sabihin iyon ay agad na nyang hinawakan sa kamay si Bianca at agad na silang umalis na dalawa.

Nasundan na lamang nila Sophia at Marvin ng tingin ang papaalis na sila Francis at Bianca.

“May pagkamasama talaga ang ugali ng isa na yun. Paano mo nagawang pakisamahan ang ganoong klase ng tao Ms. Sophia?” iiling iling na sabi ni Marvin kay Sophia.

Napansin naman ni Sophia na parang naiinis nga sa pinapakitang ugali ni Francis si Marvin kaya hindi na lamang sya nagsalita pa.

“Hindi naman ako nagsisisi sa mga sinabi ko,” sabi pa ni Marvin saka sya sumandal sa kinauupuan nila ni Sophia. Hindi naman na ito pinansin pa ni Sophia.

Sa kabilang banda ay naayos na nga ni Sophia ang naging problema nila sa kanilang produkto at naiwasan ang anumang hindi pagkakaintindihan.

Pinagmulta at pinarusahan naman ni Francis si Bianca ng kung anumang dapat na ipataw rito na parusa para naman maging patas sya sa iba pa nilang empleyado.

Pagbalik naman ni Sophia sa kumpanya ay masayang masaya ang lahat ng naroon dahil naresolba nga nya ang problema sa kanilang produkto.

“Mahirap talaga kapag palakasan lamang kaya naupo sa pwesto. Laging nagrurunong runungan,” sabi ng isang empleyado roon.

“Matalino naman si Ms. Bianca kaso ay masyado lang nagmagaling dahil sekretarya agad ang posisyon nya. Kaya ayan nagkaproblema tuloy. Wala talagang makakatalo sa katalinuhan ni ms. Sophia. Ano ba kasi ang nakita ni sir Francis sa babae na yun?,” daldal naman ng isa pang empleyado.

Ang kumpanya kasi nila Francis ay kilala sa isa sa mga malalaking kumpanya sa bansa.

Napabuntong hininga naman si Bianca dahil sa kanyang mga naririnig.

“Itigil nyo na yang bulung bulungan ninyo. Bata pa si Bianca at bago pa lamang. Sige na itigil nyo na yan at bumalik na kayo sa inyong mga trabaho,” saway na ni Sophia sa mga nagtsitsismisan na mga empleyado. Agad naman na tumigil ang mga ito at agad na rin na bumalik sa kani kanilang trabaho.

Akmang papasok na sana si Sophia sa opisina ni Francis pero natigilan na lamang sya ng marinig nya na nag uusap si Francis at Bianca roon.

Naluluha naman si Bianca habang kagat kagat nya ang labi nya at nagpapaawa kay Francis.

“Francis, masyado na ba akong inutil? Narinig ko na sabi nila ay hindi ako kasing galing ni ate Sophia,” naiiyak ng sabi ni Bianca kay Francis. Napakunot naman ang noo ni Francis dahil sa sinabi ni Bianca.

“Kung ikukumpara ka kay Sophia ay magkaibang magkaiba kayo. Kaya wag mo na lamang pakinggan ang mga sinasabi nila,” sagot ni Francis sa dalaga.

Tahimik naman na nakikinig si Sophia sa pag uusap ng dalawa bago sya nagpasya na pumasok ng tuluyan doon.