Chapter 62 – Jealousy-Fueled Anger

"Masaya ka ba?" Tanong ni Nigel. Ka-holding hands nito si Nathalie habang naglalakad-lakad sila sa isang leisure park.

Tumakas lamang sila sa kani-kanilang responsibilidad sa kumpanya para lamang magkita at mamasyal.

"Oo, naman. Pero alam mo, hindi ko alam kung manghihinayang ba ako o ano. Oo, inaamin ko nung una ay parang asiwa akong tanggapin si lyka at ang ipinagbubuntis n'ya, pero naisip ko, anak ni kuya yun e. Saka wala namang kasalanan yung bata kung nabuo man s'ya dahil sa masamang hangarin ng nanay n'ya. Pero, yun nga...... hindi naman pala totoo. Wala lang, kung kailan natanggap ko na ang lahat ay saka naman namin malalaman na......"

"Nat...." Tumigil sa paglalakad si Nigel at ngumiti sa nobya. "Nanghihinayang ka rin ba dahil wala na'ng mangyayaring kasalan? Alam mo, puwede naman natin ituloy yun e."

"Ha? Anong...."

Magtatanong pa lang si Nathalie nang biglang lumuhod si Nigel. Mula sa kanyang bulsa ay dinukot n'ya ang isang kahon ng singsing. "Alam kong mabibigla ka kapag g