Kabanata 57

Matagal na nakatulala si Celeste sa harapan ng salamin wari'y mayroong malalim na iniisip.

“Senyora, ayos ka lang ba?” pukaw sa kanya ni Lisa.

Kasalukuyan siyang inaayusan ng buhok at itsura nila Lyn at Lisa, habang siya'y tahimik na nakaupo sa harapan ng vanity table.

Walang kagana-gana siyang tumango. “Ayos lang naman, bakit?”

“Hmm? Sigurado ka po? Para kasing hindi naging maayos ang tulog mo kagabi at wala kang enerhiya ngayong umaga. Napuyat po ba kayo?” masusing tanong pa ni Lisa.

Napaisip si Celeste at malakas na napabuntong-hininga. “Hindi ko alam… parang maraming nangyari kagabi habang natutulog ako pero sa sobrang gulo hindi ko na maalala.”

“Kaya po ba malalim at namumula ang mga mata niyo ngayon. Senyora?” pagtatanong naman ni Lyn na siya ring nakapansin sa hindi pangkaraniwan niyang temperamento.

“Namumula ang mga mata ko?” natauhan si Celeste at muling pinukusan ang mukha niya sa salamin. Nagulantang siya nang makita kung gaano namamaga ang mga mata niya na pinagbibidahan