Kabanata 3.3

Isang malalim na buntong hininga ang pinakawalan ni Caroline habang nakatingin sa schedule niya. Sa susunod na linggo na ang anniversary ng kompanya nila. Tumingin siya sa veranda niya. Pinag-iisipan niya kung isasama niya ba si Caleb. Wala naman siyang gagawin sa araw na yun pero gusto pa rin niyang pumunta lalo na at parte rin naman siya ng kompanya. Alam niyang wala siyang makakausap dahil wala naman siyang kaibigan sa kompanya lalo na at kilala siya bilang anak sa labas ni Winston Adams. Mas gusto nila si Aubrey at naiintindihan naman yun ni Caroline dahil si Aubrey ang legal na anak. Naiintindihan niya naman ang nararamdaman ng half sister niya at ng pamilya ng kaniyang ama. Sino bang hindi magagalit sa isang anak ng kabit?

Tumayo siya sa kinauupuan niya saka siya nagtungo sa veranda para sana kausapin si Caleb. Napakunot siya ng noo nang hindi niya ito makita. Inilibot niya ang paningin niya sa buong veranda pero wala si Caleb. Alas sais na ng gabi pero ngayon niya lang napansin na wala pala ang asawa niya sa loob ng bahay nila.

“Is he mad at me because of what happened lately?” aniya sa sarili niya. Napabuntong hininga na lang siya. Iniisip kung saan nagpunta si Caleb. Bumaba na siya ng kwarto niya at tinanong ang mga katulong nila.

“Nakita niyo ba si Caleb?” tanong niya sa isang mabait na katulong sa kaniya.

“Umalis siya nung tanghali ma’am pero simula nang umalis siya hindi pa siya bumabalik.” Sagot nito. Napatango na lang si Caroline. Posible nga bang nagalit si Caleb sa kaniya? Kung sabagay, may karapatan naman talaga siyang magalit dahil ipinakilala niya itong isang pulubi at itinanggi ang tunay na status ng relasyon nilang dalawa.

Kinuha ni Caroline ang bag at susi ng sasakyan niya saka siya umalis ng bahay para hanapin si Caleb. Una niyang pinuntahan ang bar kung saan niya nakilala si Caleb dahil baka bumalik ito dun para magtrabaho.

Pagpasok ni Caroline sa loob ng bar ay sumalubong kaagad sa kaniya ang sari-saring amoy kahit na maaga pa. Nagtungo siya ng bar counter at tinanong ang barterder na nakaduty ngayon.

“Excuse me,” agaw atensyon niyang wika. Nakangiti naman siyang nilingon ng bartender.

“Si Caleb ba nagpunta rito?” tanong niya. Inisip naman ng bartender kung sinong katrabaho nila ang may pangalang Caleb pero wala siyang matandaan.

“Sigurado ka bang Caleb ang pangalan niya miss? Wala kasi akong kilalang Caleb dito.” Sagot ng bartender. Napakunot ng noo si Caroline dahil hindi siya pwedeng magkamali lalo na at alam niyang Caleb ang nakalagay sa marriage certificate nila ni Caleb.

“Hindi ko alam kung nagresign na siya dito o hindi pa pero dito ko siya nakilala at Caleb ang pangalan niya. Alalahanin mo lang baka sakaling makilala mo rin, I’m looking for him.” Aniya pa pero umiling ang bartender dahil kilala niya lahat ng nagtatrabaho sa bar pero walang Caleb na pangalan sa mga katrabaho niya.

“Ano bang itsura niya miss?”

“Mahaba ang buhok niya pati bigote, matangkad at may magandang pangangatawan.” Pagdedescribe niya. Napatango-tango naman ang bartender ng may marealize siya kung sino ang binabanggit ni Caroline.

“Baka si Dan ang sinasabi mo. Kung siya nga hindi Caleb ang pangalan niya kilala siya bilang si Dan dito. Yung wierdong lalaki na mahaba ang buhok at mga bigote. Kung nagpunta ka rito para hanapin siya, last week pa siya nagresign.” Saad ng lalaki. Nagtataka naman si Caroline kung bakit Dan ang pangalan ni Caleb sa bar.

‘Secret code niya ba yun?’ tanong pa niya sa sarili niya pero ipinagsawalang bahala niya na yun dahil si Caleb ang hinahanap niya. Inilibot niya ang paningin niya sa bar pero hindi niya makita si Caleb. Wala naman na siyang alam kung saan niya hahanapin si Caleb lalo na at sa bar niya lang naman ito nakilala. Napabuntong hininga na lang si Caroline at akma na sanang aalis nang harangin siya ng isang lalaki na may dala-dalang alak.

“Hi pretty lady, can I dance you?” nakangiti nitong saad. Bakas na sa mukha niya ang kalasingan kahit na maaga pa lang kung sabagay maliwanag pa lang naman ay nagbubukas na ang bar. Umiling lang naman si Caroline at lalampasan na lang sana ang lalaki nang muli itong humarang.

“Kung ganun, tanggapin mo na lang itong alak na bigay ko para sayo.” Ani pa ng lalaki at sinalinan ng alak ang wine glass. Kahit na nakita niyang wala itong inilagay na kung ano sa alak ayaw pa rin niyang inumin dahil hindi siya sigurado kung safe ba talagang inumin ang alak. Paano kung may gamot na pala sa baso o sa alak? Minsan na siyang nagkamali dahil sa pag-inom ng alak at ayaw niya nang ulitin pa yun.

“No, thanks.” Magalang niya namang pagtanggi saka siya umalis. Bigla namang nag-iba ang expression ng mukha ng lalaki dahil sa pagtanggi ni Caroline sa kaniya. Ininom niya ang alak saka niya pinunasan ang gilid ng labi niya gamit ang manggas ng damit niya at ngumisi.

Nilingon niya ang mga kasamahan niya saka nila sinundan palabas ng bar si Caroline. Akma na sanang sasakay si Caroline nang may biglang humarang sa pagbukas niya ng pintuan. Kunot noong tiningnan ni Caroline ang lalaki at nakikilala niya naman ito kaagad.

“What do you want?” tanong ni Caroline.

“Alam mo bang ang mga tipo kong babae ay ang mga hard to get. Uuwi ka na ba? Gusto mo bang ihatid na kita?” Nakangising saad ng lalaki. Napangiwi naman si Caroline dahil ang mga kagaya ng lalaking nasa harap niya ay alam niya na kung anong gusto ng mga ito.

“Excuse me, I need to go now.” Aniya at akma na sanang bubuksan ulit ang pintuan ng sasakyan niya nang muli siyang pigilan. Napabuntong hininga na lang si Caroline. She needs to find Caleb.

Ngumisi ang lalaki saka niya nilapitan si Caroline. Napahigpit ang pagkakahawak niya sa susi niya. Inilibot niya ang paningin niya kita niya ang mga kalalakihan pa na nasa paligid niya lang. Napaatras si Caroline dahil sa takot. Hindi niya alam kung kanino siya hihingi ng tulong. May mga taong labas pasok sa bar pero tila ba walang pakialam ang mga ito sa paligid nila.

“Ano bang kailangan niyo? I need to go now.” Kalmado pa rin niyang saad.

“Binibini isang gabi lang, isang milyon sapat na ba yun?” alok sa kaniya ng lalaki. Naikuyom ni Caroline ang kamao niya. Tumingin siya sa mga labas pasok ng bar pero ni isa walang tumingin sa kaniya.

“Ibang babae na lang, hindi ko kailangan ang pera mo.” Sagot niya pero ngumisi lang ang lalaki. Kinikilala ni Caroline kung saan niya ba nakita ang lalaki. Nang makilala niya ang lalaki ay napalunok siya.

Siya ang bunsong anak ng gobernador ng lugar nila at marami na itong kagaguhan na ginawa pero never na nakulong dahil sa katayuan ng kaniyang ama.