Kabanata 3.2

Nagluto ng pagkain si Caleb dahil wala naman siyang ginagawa. Naiwan siyang mag-isa sa kwarto ni Caroline dahil pumasok ito sa kompanya. Nang matapos siyang magluto ay inilagay niya na sa lunch box ang mga pagkain saka siya nagtungo sa kompanya ng mga Adams. Nananatiling mahaba ang mga buhok at bigote niya dahil oras na nilinis niya ang sarili niya marami na ang posibleng makakilala sa kaniya.

Pinuntahan ni Caleb si Caroline para ihatid ang mga pagkain na niluto niya dahil wala naman siyang ginagawa pero nasa meeting ito kaya naghintay siya sa labas ng conference room. Nang matapos ang meeting ay nagsilabasan na ang mga tao sa loob ng conference room at pinagtitinginan siya ng mga ito.

Kilala niya ang ibang lumabas mula sa conference room pero hindi niya na lang pinagtuunan ng pansin ang mga ito. Si Caroline ang hinihintay niyang lumabas para lang ihatid ang mga pagkain. Ayaw niyang makulong sa loob ng bahay ng mga Adams dahil pakiramdam niya ay mababaliw siya.

“Bawal ang pulubi rito, paano ka nakapasok?” tanong ng isang lalaki. Tiningnan ni Caleb ang sarili niya pero hindi naman mukhang pulubi ang suot niya. Mahaba lang ang buhok at bigote niya. Tahimik lang si Caleb, walang pakialam sa panghuhusga sa kaniya dahil hindi niya rin naman gustong isiwalat ang tunay niyang pagkatao.

Samantala naman ay busy pa si Caroline makipag-usap sa ibang board of directors. Naagaw lang ang atensyon niya nang marinig niya ang tawag sa pangalan niya kaya mabilis siyang lumabas. Nakita niya naman si Caleb na pilit nang pinapaalis ng dalawang gwardya. Napalunok siya saka niya tiningnan ang ilang mga binata na nakatingin kay Caleb at pinagtatawanan ito.

“Let him go, I know him.” Saad ni Caroline sa mga gwardya kaya pinagtinginan siya ng mga board of directors at business partner ng kompanya nila.

“Is it true na asawa mo siya?” natatawang tanong ng isang babae. Hindi naman nakasagot si Caroline. Binitiwan na rin ng mga gwardya si Caleb kaya lumapit na si Caleb kay Caroline.

“No, he’s not, isa lang siya sa mga pulubing tinulungan ko.” Pagsisinungaling niya, nasaktan naman si Caleb sa sinabi ni Caroline. Hindi dahil itinanggi siya bilang asawa niya kundi dahil pulubi ang pakilala ni Caroline sa kaniya. Alam niyang ikinakahiya na siya ni Caroline dahil sa itsura niya.

Nang maiwan silang dalawa ay hinarap ni Caroline si Caleb.

“What are you doing here? Dapat nagstay ka na lang sa bahay.” Naiinis na wika ni Caroline. Sumeryoso naman ang mukha ni Caleb saka niya iniabot kay Caroline ang lunch bag.

“Nagluto ako for your lunch, pasensya na kung napahiya kita at naabala.” Blangko niyang wika. Nang hindi naman kinuha ni Caroline ang lunch bag ay hinawakan na ni Caleb ang kamay ni Caroline at inilagay dun ang lunch bag bago siya tuluyang umalis. Gustong magsorry ni Caroline pero pinigilan niya ang sarili niya dahil hindi niya naman inutusan si Caleb na pumunta ito sa kompanya.

Nang makalabas si Caleb sa kompanya ay lumayo pa siya ng kaunti. May humintong magandang sasakyan sa harap niya saka siya sumakay at umalis na. Nasa driver seat naman ang executive secretary niya.

“Wala ka pa rin bang balak na magpakita sa pamilya mo sir? Kinuha na ng inyong ina ang mga magagaling na detective at imbestigador para ipahanap kayo. Kailangan na rin kayo ng kompanya.” Pangungulit na naman ni Jasper. Sa tuwing umaalis siya ay palagi siyang nag-iingat dahil alam niyang pinapasundan siya ng ina ni Caleb.

Isinandal lang naman ni Caleb ang likod niya sa sandalan at tumingin sa labas ng bintana habang salubong ang mga kilay niya. Iniisip niya kung babalik siya sa mansion nila at balak niyang isama si Caroline, sasama ba ito? Naipilig niya na lang ang ulo niya. Bakit ba siya nakakaramdan ng awa kay Caroline gayong hindi pa naman niya ito lubusang kilala?

“Siya nga pala sir, nabalitaan kong nakatira kayo ngayon sa mga Adams. Kilala niyo po ba sila personally?” kuryosong tanong ng secretary niya.

“No, their daughter Caroline is my wife.” Sa gulat ni Jasper ay natapakan niya ang preno. Nauntog si Caleb dahil hindi siya nakasuot ng seatbelt. Masama niyang tiningnan si Jasper.

“Pasensya na po kayo sir, nagulat lang ako sa sinabi niya. Tama ba ang pagkakarinig ko? Asawa niyo ang anak nila? Siya ba yung babaeng kasama niyo nitong mga nakaraang linggo sa restaurant?” patuloy nitong tanong. Tanging tango lang naman ang isinagot ni Caleb saka muling tumingin sa labas ng bintana.

“Paanong naging asawa niyo? Wala naman akong nababalitaan na may karelasyon kayo? Madalas ko naman kayong bisitahin sa bar na pinagtatrabahuan niyo dati.” Kuryoso pa rin nitong saad. Blangko lanng naman ang mukha ni Caleb.

“Magagamit ko siya kapag bumalik na ako sa bahay para hindi na ako ipilit ni mommy kay Brianna na magpakasal. Ang ayaw ko sa lahat ay ang binabalikan ang cheater. I’m not stupid to marry her.” Seryosong sagot ni Caleb. Napatango-tango na lang si Jasper dahil akala niya ay magseseryoso na ulit sa babae ang boss niya.

Nang makarating si Caleb sa secret villa niya ay nahiga siya kaagad at isinindi ang aircon. Electric fan lang kasi ang gamit niya sa veranda ng kwarto ni Caroline. Ginawang unan ni Caleb ang dalawang braso niya saka siya tumitig sa kisame. Pinag-iisipan niya kung babalik na ba siya sa bahay nila para pamahalaan niya na ulit ang kompanya ng pamilya nila. Wala rin namang pakinabang sa pamilya nila ang nag-iisa niyang ate. Wala itong ginawa kundi ang magtravel at magshopping sa iba’t ibang bansa.

Kung aakitin niya ba si Caroline na sumama sa kaniya, sasama ba ito sa kaniya? Seryoso ang mukha ni Caleb at seryosong nag-iisip. Paano niya mapapapayag si Caroline? Kung isisiwalat niya ba ang tunay niyang pagkatao, tatanggapin ba siya ni Caroline?

Salubong na salubong na ang kilay ni Caleb. Napapaisip pa rin siya kung ano bang tunay na ugali ni Caroline. Kung malalaman ba nito ang tunay na pagkatao ni Caleb at ang kalagayan niya sa buhay, matutuwa ba si Caroline? Ipapakita na ba nito ang tunay niyang ugali? Paano kung katulad din ito ng ibang babae na nasisilaw sa pera? Didikit lang sa kaniya dahil sa pera at katayuan niya? Napangisi na lang si Caleb saka siya napailing dahil sigurado siyang matutuwa si Caroline kapag nalaman nitong galing sa mayaman si Caleb.