Hindi sa loob ng mansion dumeretso si Kelly kundi sa garden sa may likod. Si Ryker naman ay hindi niya alam kung saang sulok ng mansion na ito pumunta sapagkat nang bumaba ito ng sasakyan ay basta na lang siya nito iniwan.Noong pumunta siya rito ay may nakita siyang outdoor lounge chair sa may ilalim ng willow tree at doon siya nahiga. Para kasing hapong-hapo na siya kaya pinili niyang pumunta rito.Pumikit siya at pinuno ng hangin ang baga niya. Kahit man lang sa oras na 'to ay magawa niyang makahinga ng maluwag sa parte ng mansion na 'to. Ang malamig na simoy ng hangin na dumadampi sa kanyang mukha ay parang malinis na hangin na madalas niyang pinahahalagahan at minamahal sa Santa Rosa."I miss my family," naluluhang bulong niya at itinaas ang kamay na parang abot niya ang madilim na langit. Wala man lang kahit isang bituin ngayon na makita niya. "Kung pwede ko lang silang makausap kahir minsan lang," dugtong niya.Mariing naglapat ang labi niya para walang makawalang hikbi sa bibi
"Masaya ka ba?"Natigil sa paghalo si Kelly sa tinitimpla niyang banana blossom pancake nang marinig ang tanong na iyon ni Gemma. Hindi niya ito tinignan at nakatutok lamang ang kaniyang mata sa malaking bowl sa mesa.Masaya nga ba siya? Of course not! Pagkatapos ng huling dinner nila sa main house ay kinulong na siya nito sa mansion ni Ryker at nababantayan lahat ng mga kilos niya. Pati na yata pagpunta niya sa banyo ay binabantayan ni Caspian. Ramdam niya ang mga nakasunod na mata nito kahit saan siya magpunta. Pakiramdam niya ay nasasakal siya at hindi makakilos ng malaya. Idagdag pa na ganun din ang ginagawa ni Ryker sa tuwing uuwi ito galing sa office nito.Paano siya magiging masaya kung ganitong parang may makapal na kadenang bakal na nakatali sa leeg, paa at kamay niya. Ngumingiti lang naman siya kung palihim na tinatawagan niya ang magulang gamit ang cellphone ni Gemma. Pero 'pag kaharap na niya si Ryker ay ni hindi niya magawang tumawa. At sa tuwing nagkakaroon sila ng maini
"Bumisita ako sa bookstore, kuya, at napag-alaman ko na hindi si Kelly ang naroon na nagbabantay. Akala ko ba ay para sa kaniya iyon?" bungad ni Rhian kay Ryker nang dimating ito sa opisina ng binata.Gusto sana niyang makipagkuwentuhan at kamustahin ang soon to be ay hipag niya ngunit iba naman ang kaniyang nadatnan. Ni hindi raw nakilala ng saleslady ang amo nito sapagkat noong na-hire ito ay si Sydney ang nakausap nito. Sa natuklasan ay napasugod siya rito sa Mondragon building para lang sitahin at kastiguhin ang kapatid.Mula sa pinipirmihang papeless ay nag-angat ng mukha si Ryker at matiim siyang tinignan. Hindi siya natakot sa paraan ng tingin nito bagkos ay nilabanan pa niya ito."Bakit? Hindi ba at tama naman ako? Si Kelly ang dahilan kung bakit nagsuhestyon ang Lolo Jones na magpatayo ka ng business na pagkakaabalahan ng kasintahan mo para hindi siya mabagot at takasan ka," mapang-uyam na sabi niya sa huling kataga.Dumilim ang mukha ni Ryker at tuluyan na nitong hininto ang
Habang kumakain ng agahan sina Kelly at Ryker ay hindi umiimik ang una. Pinapakiramdaman niya ang huli dahil feeling niya ay may gusto itong sabihin sa kaniya. Maya't maya rin itong napapasulyap sa gawi niya at hindi niya kayang ignorahin iyon. Kapag ganitong tahimik lang silang dalawa ay parang ordinaryong couple lang sila. Iyong normal lahat pero 'pag bumuka na ang bibig nito ay mababasag ang imahinasyon niya at babalik ang pagkamuhi niya rito."Pagkatapos mong kumain ay maghanda ka. Pupunta tayo sa Hera," narinig niyang wika nito.Agarang nag-angat siya ng mukha at maang na tinignan ito. Kung 'di siya nagkakamali ay ang Hera na tinutukoy nito ay ang malaking mall na pag-aari ng pamilya nito. Hindi niya alam kung ano na namang trick ang hinahabi nito pero wala siyang tiwala rito."Simula sa araw na 'to ay ikaw na ang magbabantay sa bookstore. Anong gusto mong pangalan ng maliit mong business?" tanong nito.Bahagyang sumikdo ang puso niya sa narinig. Makakahugot na rin siya ng ibang
Hindi namalayan ni Kelly ang oras dahil naeengganyo siyang magbasa. Kung hindi pa siya nilapitan ni Miranda at kinalabit ay wala siyang planong tumigil sa pagbasa. Dahil sa pagbabasa niya ay pansamantalang nakalimutan niya ang tungkol kay Ryker. Pero ngayong malapit na ang uwian ay nabahala at bumalik na naman ang lungkot sa puso niya. Babalik muli siya sa lugar kung saan wala siyang kalayaang gawin ang gusto niya."Nakalimutan ko ang oras," nahihiyang bigkas niya at tumayo. Isinara rin niya ang binabasang libro at binitbit iyon.Nang tumingin siya sa likod ni Miranda ay agad nabura ang ngiti niya pagkakita kay Ryker. Nakasandal ito sa shelves at pinagmamasdan siya. May munting ngiting nakapaskil sa mata nito at kung 'di siya nagkakamali ay baka kanina pa ito nandito. Si Miranda lang ang lumapit sa kaniya para mawala ang atensyon niya sa binabasa.Umayos na ng tayo si Ryker at naglakad palapit sa kaniya. Sinuklay nito ang bahagyang nagulo na buhok niya gamit ang daliri nito. "Umuwi na
Simula nang deretsahin niya ang binata kagabi ay hindi niya ito nakita nang gumising siya ngayong umaga. Ayon kay Gemma ay maagang umalis ang master nito nang hindi man lang nag-aagahan. Wala rin itong ibinilin kahit na ano tungkol sa kaniya. Hindi lang sigurado ang dalaga kung may sinabi ito kay Casper.Hindi niya alam kung matutuwa nga ba siya dahil ito at parang may kunting pagbabago na sa binata. Pero sana man lang ay may sinabi ito. Kung puwede ba siyang lumabas at pumunta muli sa bookstore. Kapag naroon siya ay makakalimutan na naman niya ang sitwasyon niya.Pagkatapos niyang kumain ng agahan ay hinanap niya si Casper. Sa may ilalim ng banyan tree niya nakita ang lalaki at nasa may paanan nito ang asong si Yango. Kumakawag ang buntot ng aso habang nakatingala sa lalaki."Kuya Casper," tawag niya sa lalaki na agad lumingon sa kaniya. "Pupunta ako sa bookstore ngayon.""Nagbilin si Master na dalhin daw kita sa main house dahil pinapatawag ka ni Lolo Jones," turan nito.Bahagyang n
Wala rin naman ginawa rito sa main house si Kelly maghapon kundi ang makinig sa kuwento ng matanda tungkol sa pamilya nito. Ang dalawang magkapatid lang na sina Ryker at Rhian ang apo ng matanda dahil ang nakababatang kapatid ng ama nito na si Tito Paz ay hindi raw nag-asawa at takot daw ito sa responsibilidad ng isang ama.Napapaawang ang kanyang bibig sa tuwing maririnig ang panunuya sa boses ng matanda. Kinukutya niya ang kanyang nakababatang anak dahil sa pagiging duwag at labis na takot na harapin ang isang problema.Sinabi pa nito na kulang pa raw ang IQ ni Tito Paz para mag-solve ng simpleng math problem. Paano raw hindi sasabihin ito ng matanda kung ang pag-aasawa ay kinatatakutan nito. Hindi niya alam kung ano ang magiging reaksyon ng ihambing pa nito ang tungkol sa marriage at sa simpleng math problem.Naiintindihan agad niya kung bakit hindi nakadalo ang bunsong anak nito sa dinner noong nakaraan. Sa mga narinig niya sa bibig nito ay pati rin siya, mas pipiliin niyang humab
Nakatalikod si Kelly sa may pintuan habang nakaupo sa kama. Panay ang pagpatak ng kaniyang luha pero nang marinig ang pagbukas ng pinto ay mabilis na pinunasan niya ang mukha at nahiga sa kama. Pigil ang sariling suminghot siya dahil ayaw niyang ipakita rito na umiiyak siya.Naramdaman niyang nakatingin ito sa likod niya pero hindi siya tuminag bagkos ay hinila niya ang kumot hanggang sa may leeg niya. Tanging ang ulo na lamang niya ang nakikita.Humugot siya ng napakalalim na hininga at mariing kinipkip sa kamay ang kumot. Mainit man ang panahon ay pakiramdam niya nilalamig pa rin siya dahil sa halo-halong emosyon na kaniyang nararamdaman ngayon. Ang mga narinig niya sa bibig ng ama ng binata at ang katotohanan na baka hindi siya mahal ni Ryker. Ang tingin lamang nila sa pagsulpot niya sa buhay ng binata ay isang babaeng madaling abusuhin ng lalaki. Isang mahina at sunud-sunuran."May surpresa ako sa'yo bukas," narinig niyang turan nito bago ang paglundo ng kabilang side ng kama.Nak