Chapter 32

NASA alas nueve pa lang ngayon ng umaga. Magkakalahating oras pa lang, simula no'ng napilit ko na umalis si Yuan. Kung hindi ko pa ulit aksidenteng narinig ang pakikipag-usap n'ya sa cellphone ay hindi ko pa malalaman na may emergency meeting palang isi-net ang Board ngayong araw.

Ayaw pa nga sana niyang um-attend dahil tinatamad daw siya, kaya ayon, nakatikim tuloy ng sermon sa akin. Maggagayak na nga rin sana ako kanina para makasama sa kaniya papuntang opisina, ngunit pinigilan niya ako. Si Miss Roxanne na lamang daw muna ang isasama niya ngayon sa meeting upang makapagpahinga raw ako.

Nasa loob na siya ng kaniyang sasakyan at inuumpisahan nang buhayin ang makina nito. Ako naman ay nakatayo lang sa tapat ng nakabukas niyang bintana at hinihintay lang ang tuluyang pag-alis niya.

"See you later, babe."

Niyuko ko siya at kunot-noong tiningnan. Napahawak pa ang isa kong kamay sa bubungan ng sasakyan, matapos iyon sabihin ni Yuan.

"See you later? Ibig sabihin, nandito ka na naman ma