Chapter 31

Tuluyan nang naisarado ni Yuan ang pintuan ng banyo. Samantalang ako, heto, naiwanang nakatulala. Ni hindi ko magawang makakilos at tila natulos na sa aking kinatatayuan.

Hindi makapaniwala kong hinawakan ang bahagi ng labi na pinangahasang halikan ng damuhong 'yon. Feeling ko ay nagmistulang whistling kettle ang ulo ko at kulang na lang ay umusok ang bunbunan ko dahil sa sobrang panggigigil ko sa kaniya. Nagpupuyos ngayon sa inis ang dibdib ko. Gusto ko siyang habulin para sapakin!

Sumusobra na siya. Sino ba siya sa akala niya? Oo, amo ko siya— amo ko lang! Kaya dapat, matuto siyang lumugar. Hindi porket sinasakyan ko ang mga kalokohan niya ay magagawa niya na ang kahit na anong gustuhin niya sa akin. Wala siya ni katiting na karapatan na gawin iyon— wala!

Nalamukos ko ang aking mukha at mararahas ang ginagawang paghinga. Muling nag-rewind sa ala-ala ko ang tarantadong lalaking nagnakaw ng first kiss ko dahil sa ginawang iyon ni Yuan. Sa sobrang sama nga ng loob ko noon, ilang ara