Chapter 53

"Did you like the food?" tanong ni Luca habang nagpupunas siya ng bibig gamit ang tissue. "Hindi ako sigurado kung nabusog ka sa niluto ko."

Bahagya siyang natawa sa sinabi nito. Hindi naman siya pihikan sa pagkain, 'di rin naman siya matakaw pero nabusog talaga siya sa niluto nitong dinner.

"Yes. Akalain mo 'yon? Masarap ka pa lang magluto?" biro niya at uminom ng tubig sa basong naroon sa harapan niya.

"Yeah… Pero mas masarap akong magmahal, baka naman gusto mong tikman—"

"Kahit gaano pa iyan kasarap, hindi ko nakalimutan na pangit kang ka-bonding." Putol niya sa sasabihin pa ng binata. Sumimangot ito sa kanya at tumayo mula sa sariling upuan. Kumuha ito ng wine sa mini bar at dalawang goblet.

"Ano 'yan? May balak kang lasingin ako, tapos ano? Plano mo talaga ito eh, no?"

"What?" Natawa itong nilapag ang mga dala sa ibabaw ng dining table. "Hindi ko alam kung ano ang sinasabi mo. I'd just like to invite you to join me in the o