Chapter 75

Malaki ang bawat hakbang ng magkapatid na Lindenhurst nang makarating sa ospital kung saan dinala ang kanilang ama. Nang matagpuan nila ang silid kung saan ama, agad silang sinalubong ni Samantha. Mukha itong wala pang tulong ng ilang araw, ang masayahin at maaliwalas nitong mukha ay napalitan ng stress.

“Samantha, kumusta ang dad?” nag-aalala na tanong ni Mistina. Hinawakan nito ang kamay ng kanilang stepmother at marahan itong hinila para maupo sa couch na naroon sa silid. “Ano ang sabi ng mga doctor?”

“Stable na siya. Wala na sa bingit ng kamatayan, pero ang sabi ng doktor ay huwag daw natin i-stress ang daddy ninyo.” Malalim na nagpakawala ng buntong-hininga si Luca at nilingon ang ama na payapang natutulog sa kama nito. Hindi niya inakalang makikita niya ang ama sa ganitong kalagayan.

“Ano ba kasi ang nangyari? Bakit inatake siya sa puso?” Iritableng tanong ni Farkas at na upo sa kabilang bahagi ng couch kung saan nakaupo si Mistina at Samantha. Si Luca naman ay doon naupo sa s